الداعى كۇندەرى اۋا رايى قانداي بولادى

«ورتالىق سىبىردەگى تسيكلونعا بايلانىستى رەسپۋبليكانىڭ شىعىس جارتىسىندا اۋا رايى قولايسىز بولادى. بۇرشاق جاۋادى, شىعىستا جانە وڭتۇستىك-شىعىستا قاتتى نوسەر جاۋادى, نايزاعاي ويناپ, ەكپىندى جەل سوعادى.

رەسپۋبليكانىڭ باتىس بولىگىنە نوۆايا زەمليا ايماعىنداعى انتيتسيكلون اسەر ەتەدى. بۇل جاقتا اۋا تەمپەراتۋراسى تومەندەيدى.

رەسپۋبليكانىڭ سولتۇستىك, ورتالىق جانە شىعىس بولىگىندە اۋا تەمپەراتۋراسى تۇندە 5-13, كۇندىز 15-23 دەيىن سۋىق بولادى. وڭتۇستىك بولىگىندە تۇندە 8-18-گە دەيىن, كۇندىز 18-34 گرادۋسقا دەيىن, ال باتىستا تۇندە 17-27-گە دەيىن, كۇندىز 30-عا دەيىن ازداپ تومەندەۋ بايقالادى», دەپ حابارلادى «قازگيدرومەت».