قاراعاندىدا پوليتسەيلەر جول وتكەلىنەن سەكىرمەك بولعان ەر ادامدى قۇتقاردى, دەپ حابارلايدى Egemen.kz Polisia.kz-كە سىلتەمە جاساپ.
9 تامىزدا قاراعاندى قالاسىندا ساعات 14.30 شاماسىندا پوليتسەيلەر پاترۋلدەۋ باعىتىندا جۇرگەن كەزدە, بۇقار جىراۋ داڭعىلىنداعى جول وتپەسىنەن سەكىرۋگە تىرىسقان ەر ادام تۋرالى حابارلاما كەلىپ ءتۇستى.
ء«ۇش مينۋتتان كەيىن ءبىز وقيعا ورنىنا جەتىپ, جول وتكەلىنىڭ شەتىندە تۇرعان ازاماتتى كوردىك. ەر ادامنىڭ سۋيتسيد جاساۋىنا ءبىر عانا قادام قالعان. تومەندە تەمىرجول جولدارى, ال جوعارىدا كەرنەۋلى بايلانىس سىمدارى بار. مەن قورشاۋدان ءوتىپ, ونىڭ جانىنا بارىپ, سويلەسۋگە تىرىستىم. ول بۇل قىلىققا وتباسىلىق ماسەلەلەر سەبەبەپ بولعانىن ايتتى. مەن ءوز اتىمدى اتادىم, قولىمدى سوزدىم, وعان جالعىز ەمەس ەكەنىن ايتقىم كەلدى. ول دا قولىن سوزا باستادى, سول ءساتتى پايدالانىپ, ونى مىقتاپ ۇستاپ, سەرىكتەسىممەن بىرگە قورشاۋدان سۇيرەدىم», دەدى پوليتسيا قىزمەتكەرى راۋان ورازبەكوۆ.
قۇتقارىلعان ازامات قاراعاندى قالاسىنىڭ پب ورتالىق پوليتسيا بولىمىنە جەتكىزىلدى. پوليتسيا قىزمەتكەرى وتكەن جىلى ارىپتەستەرىمەن بىرگە سول كوپىردە ءوزىن-ءوزى ولتىرگىسى كەلگەن قىزدى قۇتقارعانىن ايتتى.