الماتىنىڭ المالى اۋدانىنداعى ەكى كوشە جىلۋ جەلىلەرىن قالپىنا كەلتىرۋ ءۇشىن جابىلادى, دەپ حابارلايدى Egemen.kz.
12 تامىز بەن 25 قىركۇيەك ارالىعىندا الماتى قالاسىنىڭ المالى اۋدانىنداعى دوسمۇحامەدوۆ كوشەسى (جامبىل كوشەسىنەن شەۆچەنكو كوشەسىنە دەيىن) مەن شاگابۋتدينوۆ كوشەسى (قابانباي باتىر كوشەسىنەن جامبىل كوشەسىنە دەيىن) جابىلادى.
ەنگىزىلگەن شەكتەۋلەر اتالعان كوشە استىنان وتەتىن ماگيسترالدىق قۇبىردى قايتا قۇرۋ كەزىندە قاۋىپسىزدىكتى قامتاماسىز ەتۋ ءۇشىن قاجەت.
«جەرگىلىكتى تۇرعىندارعا قولايلى جاعداي جاساۋ ءۇشىن, ىستىق سۋ ۋاقىتشا قۇبىر ارقىلى بەرىلەدى. سىزدەن قولايسىزدىقتارعا تۇسىنىستىكپەن قاراۋدى جانە اتالعان كوشە ۋچاسكەلەرىن اينالىپ ءوتۋ سحەماسىن الدىن الا قاراۋدى سۇرايمىز», دەپ جازادى «الماتى جىلۋ جەلىلەرى»جشس.