پاۆلودار اۋدانى روزوۆكا اۋىلىنىڭ 34 جاستاعى تۇرعىنى پاۆلودار قالاسىندا №1 قالالىق اۋرۋحاناسىنىڭ جانساقتاۋ بولىمىندە جاتىر, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسىنىڭ مالىمەتىنشە, دەنەسىنىڭ 50%-ىن كۇيىك شالعان.
«ناۋقاستىڭ جاعدايى اۋىر. دارىگەرلەر ونى امان الىپ قالۋ ءۇشىن قولدان كەلگەننىڭ ءبارىن جاسايدى», دەپ مالىمدەدى ۆەدومستۆودان.
روجدەستۆەنكا اۋىلدىق وكرۋگىنىڭ اكىمى راشيد گالەەۆتىڭ ايتۋىنشا, وتباسىنىڭ جاعدايى جاقسى. ەرلى-زايىپتىلاردىڭ روزوۆكا اۋىلىندا ەكى دۇكەنى بار - ازىق-ت ۇلىك جانە تۇرمىستىق. ءۇش بالانى تاربيەلەپ وتىر.
«ۇلكەن قىزى بيىل جەتىنشى سىنىپقا بارادى, ەكەۋى – مەكتەپ جاسىنا دەيىنگى, كەنجەسى - ءبىر جاسار بالا. قازىر بالالاردى اتاسى مەن اجەسى قاراپ وتىر», دەدى راشيد گالەەۆ.
اۋىل تۇرعىندارى بۇل وتباسىنىڭ وسىنداي جاعدايعا تاپ بولعانىنا تاڭ قالۋدا.
وبلىستىق پوليتسيا دەپارتامەنتى زارداپ شەككەن ادامنىڭ جۇبايىنا ءوتىنىش جازۋدان باس تارتقانىن حابارلادى. دەگەنمەن, ءتارتىپ ساقشىلارى قر قك 107-بابى – «دەنساۋلىققا قاساقانا اۋىرلىعى ورتاشا زيان كەلتىرۋ» بويىنشا سوتقا دەيىنگى تەرگەۋدى باستادى.
ەسكە سالا كەتەيىك, روزوۆكا اۋىلىنىڭ تۇرعىنى ايەلىن ورتەپ جىبەرگەن. ەرلى-زايىپتىلار اراسىندا جانجال شىققان. ەر ادام ماس كۇيىندە كولىك جۇرگىزبەك بولعان, ال ايەلى وعان تىيىم سالعان. بۇدان كەيىن 36 جاستاعى اۋىل تۇرعىنى توڭازىتقىشتان الكوگول الىپ, ايەلىنە قۇيىپ وت قويعان.