سولتۇستىك قازاقستان وبلىسىندا بارلىق مەكتەپ پەن مەكتەپكە دەيىنگى ءبىلىم بەرۋ مەكەمەلەرى Ashyq جوباسى بويىنشا جۇمىس ىستەپ جاتىر, دەپ حابارلايدى Egemen.kz.
سقو ءبىلىم باسقارماسى ءباسپاسوز قىزمەتىنىڭ مالىمەتىنشە, 1 قىركۇيەكتەن باستاپ وقۋشىلار شتاتتىق رەجيمدە وقيدى.
وسىعان وراي كوروناۆيرۋس ينفەكتسياسىنىڭ تارالۋىن بولدىرماۋ ماقساتىندا بارلىق ءبىلىم بەرۋ مەكەمەلەرى Ashyq جوباسىنا قوسىلدى.
پەتروپاۆلداعى № 27 جالپى ءبىلىم بەرەتىن ورتا مەكتەبى قوسىمشانى 5 تامىزدان باستاپ قولدانىپ كەلەدى. ياعني, ءبىلىم ورداسىنا ەندى QR-كودتى سكانەرلەۋ نەمەسە جسن ۇسىنۋ ارقىلى عانا كىرۋگە بولادى.
«1 قىركۇيەكتەن باستاپ اتا-انالار وقۋ ورنىنا بۇرىنعىشا كىرە المايدى. سۇراقتارى بولعان جاعدايدا ءوز مارتەبەسىن كورسەتىپ قانا وتە الادى. مەكتەپ ۇستاتازدارى مەن تەحنيكالىق مامانداردىڭ ءتورت ادامنان باسقاسىنىڭ ءبارى ۆاكتسيناتسيادان ءوتتى. ولارعا سوزىلمالى اۋرۋلارىنا بايلانىستى ەكپە قويۋ مەرزىمى شەگەرىلدى», دەيدى مەكتەپ ديرەكتورى گۇلبارام يبراەۆا.
جالپى سقو-دا 472 ءبىلىم ورداسى بار, ونىڭ ۇشەۋى – جەكەمەنشىك, 7-ءۋى كوررەكتسيالىق مەكتەپ. ۇستازداردىڭ 96,2 %-ى, ياعني 15 709 ادام ەكپە الدى. تەحنيكالىق قىزمەتكەرلەردىڭ 9998-ءى - 95,5 %-ى تولىق ۆاكتسيناتسيادان ءوتتى.