شىعىس قازاقستان وبلىسى كۇرشىم اۋدانىندا ءورت سوندىرۋشىلەر دالا ورتىمەن كۇرەسىپ جاتىر, دەپ حابارلايدى Egemen.kz.
بۇل تۋرالى Semey News اقپاراتتىق پورتالى مالىمدەدى.
شقو تجد ءباسپاسوز قىزمەتىنىڭ حابارلاۋىنشا, كۇرشىم اۋدانىنداعى اشىق الاڭداعى ءشوپتىڭ ورتەنۋى كەشە 14:00 شاماسىندا باستالعان. ءورت ءاپ-ساتتە 40 گا الاڭعا شارپىدى. وقيعا ورنىنا كەلگەن ءورت سوندىرۋشىلەر ءتىلسىز جاۋمەن كۇرەسىپ جاتىر.
«ورتپەن كۇرەسۋگە شقو تجد جەكە قۇرامىنان 13 ادام, 2 بىرلىكتەگى تەحنيكا جانە ورمان شارۋاشىلىعىنان 11 ادام, 3 بىرلىكتەگى تەحنيكا, جەرگىلىكتى اتقارۋشى ورگاننان 1 سۋ تاسىعىش, 2 تراكتور جانە 25 تۇرعىن جۇمىلدىرىلدى», دەپ مالىمدەدى ءباسپاسوز قىزمەتىنىڭ وكىلدەرى.