«پرەزيدەنت كۋبوگىنا» قاتىسادى

ءبىرىنشى وقۋ-جاتتىعۋ جي­ى­نىنىڭ سوڭعى كۇنىندە يۋري ميحايليس شاكىرتتەرى ەكىجاقتى ويىن وتكىزدى. ادەتتەگىدەي «اق» جانە «كوك» جەيدەگە ءبولىنىپ ويناعان بۇل ماتچتا «كوكتەر» جاعى باسىم ءتۇستى. قورىتىندى ەسەپ – 2:0. وسىدان ءبىر اپتا بۇرىن وتكەن كەزدەسۋدە «اقتار» كومانداسى مىقتىلىق تانىتقان ەدى.

جەڭىمپاز كوماندانىڭ ساپىنان جاڭا ويىنشىلار – كريس­تيان توماس پەن كودي كۋنيك مەر­­­گەندىگىمەن كوزگە ءتۇستى. تاعى ءبىر ايتا كەتەرلىگى, «كوكتەر» قۇرا­مىندا قاقپانى «بارىستىڭ» نەگىزگى قاقپاشىسى يوني ورتيو مەن لاتۆيا استاناسى – ريگادا وتكەن شايبالى حوككەيدەن الەم چەم­پيوناتىندا قازاقستان قۇرا­ماسىنىڭ نەگىزگى قاقپاشىسى بولعان, جۋىردا عانا «بارىستىڭ» قا­تارىنا قوسىلعان نيكيتا بوياركين كۇزەتتى.

«كوكتەر» قۇرامىندا يوني ورتيو, نيكيتا بوياركين, ءادىل بەكەتاەۆ, سامات دانيار, ءمادي ديحانبەك, داررەن ديتس, ارتيوم كورولەۆ, ۆالەري ورەحوۆ, ستا­نيسلاۆ الەكساندروۆ, ولەگ بويكو, دميتري گۋركوۆ, الەكسەي زۋبوۆ, ءالي قاسەنوۆ, كودي كۋنيك, كريس­­تيان توماس جانە رومان ستار­چەنكو وينادى.

ال «اقتار» ساپىندا اندرەي شۋتوۆ (قاقپاشى), وللە ال­سينگ, يلايدجا ۆيليو, ەريك مار­تينسسون, ماكسيم مينەەۆ, رومان ساۆچەنكو, ەگور شالاپوۆ, ءالي­حان اسەتوۆ, كەرتيس ۆولك, دىنمۇحامەد قايىرجان, نيكيتا ميحايليس, الديار نۇرلان, ەگور پەتۋحوۆ, كيريلل ساۆيتسكي, ار­كادي شەستاكوۆ پەن اڭسار شايح­مەددەنوۆ ونەر كورسەتتى.

قحل-دىڭ بىلتىرعى ماۋسىمىندا «بارىستىڭ» ۇزدىك سۇر­مەرگەنىنىڭ ءبىرى بولعان شۆە­­تسيالىق شابۋىلشى ياكوب ليليا ماتچقا قاتىسقان جوق. كلۋب ءباسپاسوز قىزمەتىنىڭ مالىمەتى بو­يىنشا, ول جاتتى­عۋلاردىڭ بى­رىندە ازداپ جاراقات الىپ قال­عان. دەگەنمەن ليليا قازىر جەكە باعدارلاما بويىنشا جاتتىعىپ جاتىر ەكەن.

وسى ويىنمەن «بارىس» «مي­چۋرين» بازاسىنداعى وقۋ-جات­­تىعۋ جيىنىن اياقتادى. ەن­دى كوماندا «پرەزيدەنت كۋبو­گى» جارىسىنىڭ الدىندا قو­رى­تىندى دايىندىعىن «با­رىس-ارەنادا» وتكىزەدى. ايتا كە­تەيىك, 11-16 تامىز ارالىعىندا وتە­تىن «پرەزيدەنت كۋبوگىنا» «با­رىستان» بولەك, «كۋنلۋن رەد ستار» (بەيجىڭ) جانە «دي­نا­مو» (ريگا) كوماندالارى قاتىسادى.