تۇركىستان قالالىق پب كەزەكشى بولىمىنە الاياقتىقتىڭ قۇربانى بولعان جەرگىلىكتى تۇرعىن شاعىم ءتۇسىردى, دەپ حابارلايدى Egemen.kz Polisia.kz سايتىنا سىلتەمە جاساپ.
ايەلدىڭ ايتۋىنشا, بەلگىلى ءبىر تانىسى ونىڭ سەنىمىنە كىرىپ الىپ, مۇگەدەكتىك تۋرالى قۇجاتتاردى راسىمدەۋگە ۋادە بەرگەن. وسىلايشا, 160 مىڭ تەڭگەنى يەمدەنگەن الاياق, زارداپ شەگۋشىنى ءۇش جىل بويى الداپ كەلگەن.
حابارلامانى العان ءتارتىپ ساقشىلارى جەدەل-ىزدەستىرۋ ءىس-شارالارىنا بىردەن كىرىسىپ, بىرنەشە الاياقتىققا قاتىسى بار تۇركىستان تۇرعىنىن ۇستادى. الاياق ايەل وبلىس ورتالىعىنىڭ باسقا تۇرعىنىنان جارتى ميلليون تەڭگە الىپ, وعان مەملەكەتتىك تۇرعىن ءۇي كەزەگىن جىلجىتۋعا ۋادە بەرگەن.
اتالعان فاكتىلەر قر قك 190-بابى «الاياقتىق» بويىنشا سدتبت-دە تىركەلدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە.