بيىلعى 7 ايدا اقتوبە وبلىسىندا بولعان 54 جول-كولىك اپاتىنان 64 بالا زارداپ شەكككەن, ەكى بالا العان جاراقاتىنان قايتىس بولعان, دەپ حابارلايدى Egemen.kz.
سونداي-اق, كوپتەگەن جۇرگىزۋشىلەر «ارنايى بالالار ورىندىعى نەمەسە باسقا قۇرالدار بولماعان كەزدە 12 جاسقا دەيىنگى بالالاردى تاسىمالداۋعا تىيىم سالۋدى» كوزدەيتىن جول ەرەجەلەرىن ساقتامايدى.«تاعى ءبىر جاعداي, جازدىڭ باستالۋىمەن جاس ۆەلوسيپەدشىلەر (سكۋتەر, روليك يەلەرى) ساقتىقتى ۇمىتىپ, جازاتايىم وقيعاعا ءجيى دۋشار بولىپ جاتادى», دەلىنگەن حابارلامادا.
پوليتسيا قىزمەتكەرلەرى جۇيەلى تۇردە اتا-انالارمەن جانە بالالارمەن پروفيلاكتيكالىق اڭگىمەلەر جۇرگىزىپ, جادىنامالار تاراتۋدى قولعا العان.
اقتوبە وبلىسىنىڭ پوليتسيا دەپارتامەنتى بالانى جول ەرەجەسىن ساقتاۋعا ۇيرەتۋدى ۇسىنادى. سونداي-اق ۆەلوسيپەدپەن جانە موتوروللەرمەن سىرعاناۋ كەزىندە بالانىڭ كيىمىندە شاعىلىساتىن ەلەمەنتتەر بولۋى كەرەك ەكەنىن ەسكە سالادى.