ا.تسوي اتىراۋ وبلىسىنداعى ەپيدەميولوگيالىق احۋال جونىندەگى وڭىرلىك شتاب وتىرىسىن وتكىزدى, دەپ جازادى Egemen.kz دسم ءباسپاسوز قىزمەتىنە سىلتەمە جاساپ.
اتىراۋ وبلىسىندا ينفەكتسيالىق ستاتسيونارلارداعى توسەك ورىن جۇكتەمەسىنىڭ ءوسۋى بايقالادى.
وڭىردە 16 ستاتسيونار بار, ونىڭ جەتەۋى اۋدانداردا, توعىزى اتىراۋ قالاسىندا ورنالاسقان. قالانىڭ توسەك-ورىن قورىندا انىق جۇكتەمە بار, التى ستاتسيوناردىڭ تورتەۋىندە جۇكتەمە 97%-دى, جالپى اتىراۋدا ينفەكتسيالىق توسەك ورىن 60%-دى, رەانيماتسيالىق توسەكتەر-67%-دى قۇرايدى, ءارى قاراي ءوسۋ ءۇردىسى بايقالادى.
«بۇل جاعداي ۇلكەن الاڭداۋشىلىق تۋعىزادى, ويتكەنى بۇل توسەك قورىنىڭ جەتىسپەۋشىلىگىنە جانە تيىسىنشە حالىق ءۇشىن ستاتسيونارلىق كومەككە قولجەتىمدىلىكتىڭ تومەندەۋىنە اكەلۋى مۇمكىن», دەپ اتاپ ءوتتى دەنساۋلىق ساقتاۋ ۆيتسە-ءمينيسترى اجار گينيات.
قر دسم جۇمىس توبى اتىراۋ قالاسىنىڭ 5 ەمحاناسىندا, ەكى جەكە ەمحانادا جانە ەكى اۋداندىق اۋرۋحانادا كوشپەلى مونيتورينگ جۇرگىزدى. موبيلدىك بريگادالار سانىنىڭ جەتكىلىكسىزدىگى, كماج-عا شاقىرتۋلاردىڭ ۋاقتىلى ەنگىزىلمەۋى اتاپ ءوتىلدى, بۇل ءوز كەزەگىندە ءبىر موبيلدىك بريگادانىڭ ناقتى جۇكتەمەسىن كورسەتپەيدى. موبيلدىك بريگاداداعى دارىگەرلەردىڭ ۋچاسكەلىك قابىلداۋداعى جۇمىستى قاتار الىپ ءجۇرۋى دە انىقتالدى, بۇل سانەپيد رەجيمگە قايشى كەلەدى.
بارلىق مەديتسينالىق ۇيىمدا ناۋقاستاردى امبۋلاتوريالىق باقىلاۋ مونيتورينگى ءتيىستى دەڭگەيدە جۇرگىزىلمەيدى, چەك-پاراقتار ساپاسىز جۇرگىزىلەدى, كۆي ەمدەۋدەگى كلينيكالىق حاتتامالاردىڭ ساقتالماۋى جانە كۆي انىقتالعان ەگدە جاستاعى ناۋقاستاردى باقىلاۋ كەزىندە دارىگەر تاراپىنان قىراعىلىقتىڭ تومەندىگى بايقالدى.
ا.تسويدىڭ پىكىرىنشە, اتىراۋ وبلىسىندا كوروناۆيرۋستىڭ تارالۋىنا حالىقتىڭ ينفەكتسيالىق ساقتىقتىڭ شارالارىن, سانيتارلىق-ەپيدەميولوگيالىق تالاپتاردى ساقتالماۋى ىقپال ەتتى.
ءوڭىردىڭ دەنساۋلىق ساقتاۋ باسقارماسىنا شۇعىل تۇردە ورىندالۋعا ءتيىس بىرقاتار ۇسىنىس بەرىلدى.