پاندەميا باستاعالى بەرى الماتى وبلىسىندا كوروناۆيرۋستىڭ زەرتحانالىق تەكسەرۋ ارقىلى راستالعان 33 959 جاعدايى تىركەلدى. ال سوڭعى تاۋلىكتە 300 ادام ىندەت جۇقتىرعانى انىقتالىپ وتىر, دەپ جازادى Egemen.kz.
ايماق بويىنشا جۇقپالى ىندەتتىڭ تارالۋ قارقىنى سوڭعى 2 اپتادا 0,8 پايىزدان 1,0 پايىزعا دەيىن ارتتى. تالداۋ بويىنشا الاكول, بالقاش, ەسكەلدى, قاراساي, قاراتال, كەربۇلاق, رايىمبەك, سارقان اۋداندارىندا جانە قاپشاعاي قالاسىندا ۆيرۋس جۇقتىرعانداردىڭ ارتقانى بايقالادى.
انىقتالعان 300 جاعدايدىڭ 49-ى - 14 جاسقا دەيىنگى بالالار. سونداي-اق, 30 وقۋشى مەن 3 ستۋدەنتتىڭ دە كوروناۆيرۋس جۇقتىرعانى بەلگىلى بولدى.
سونىمەن قاتار وڭىرگە جىل باسىنان بەرى ۆاكتسينانىڭ ءبىرىنشى كومپونەنتىنىڭ 634 255 دوزاسى كەلىپ ءتۇستى, ونىڭ ىشىندە - گام كوۆيداك – 553 745, حayat Vax - 39 500, QazVac - 13 010, كوروناۆاك - 28 000 دوزا. ال ەكپە الۋشىلار قاتارى اپتا سايىن ءوسىپ كەلە جاتقانى بايقالعان.
دەرەك بويىنشا, كوروناۆيرۋسقا قارسى ۆاكتسينانىڭ ءبىرىنشى كومپونەنتىمەن 572 169 ادام ەگىلدى, ەكىنشىسى ەكپە العاندار سانى – 425 171. ۆاكتسينالانعاندار اراسىندا مەملەكەتتىك قىزمەتكەرلەردىڭ ۇلەسى – 11 943 ادام, مەديتسينا قىزمەتكەرلەرىنىڭ سانى – 23 406 ادام, پەداگوگتار قاتارى 38 357 ادام جانە باسقا سالادا قىزمەت ەتۋشىلەر سانى 447 425 ادام بولسا, دارىگەردىڭ مۇقيات تەكسەرۋىنەن كەيىن ەكپە سالدىرۋعا رۇقسات بەرىلگەن سوزىلمالى اۋرۋلارى بار 4486 ادام ۆاكتسينا پاسپورتىن العان. وسىلايشا, جەتىسۋدا ەكپە العاندار سانى جارتى ميلليون ادامنان استى.