ەلەكتروندىق بيرجادا بوس جۇمىس ورىندارىنىڭ سانى ارتتى

ماۋسىم ايىمەن سالىستىرعاندا ەەب-داعى بوس جۇمىس ورىندارىنىڭ جالپى سانى 15%-عا, ال رەزيۋمەلەر سانى 3%-عا ازايدى. سونىمەن قاتار تۇركىستان, اقمولا, اتىراۋ وبلىستارى مەن شىمكەنت قالاسىندا كادرعا قاجەتتىلىكتىڭ ارتقانى بايقالادى.

ابسوليۋتتىك ماندە بوس جۇمىس ورىندارىنىڭ سانى بىلىكتىلىگى جوق ەڭبەككە قاتىستى – 6,9 مىڭ بىرلىككە (23%) ءبىرشاما ازايدى. شىلدە ايىندا اكىمشىلەندىرۋ سالاسىنداعى قىزمەتشىلەردى قوسپاعاندا, ءتيىستى توپتار اراسىندا بارلىق ساناتتار بويىنشا بوس جۇمىس ورىندارىنىڭ سانى تومەندەگەنى بايقالادى. ولارعا سۇرانىس 2,9 مىڭ بىرلىككە نەمەسە 78%-عا ءوستى جانە وسى سانات بويىنشا بوس جۇمىس ورىندارى سانىنىڭ وسۋىنە نەگىزگى ۇلەستى تۇركىستان جانە اقمولا وبلىستارى قوستى.

جەكەلەگەن ماماندىقتارعا كەلەتىن بولساق, بوس جۇمىس ورىندارى سانىنىڭ ەڭ ەلەۋلى ءوسۋى ساۋالناما جۇرگىزۋ جونىندەگى سۇحباتتاسۋشى (+2,2 مىڭ), حات الماسۋ جونىندەگى كومەكشى (+0,9 مىڭ) جانە ستاتيست (+0,6 مىڭ) سياقتى كاسىپتەر بويىنشا بايقالدى. بىلىكتىلىگى جوق ەڭبەككە بايلانىستى كاسىپتەر اراسىندا بوس جۇمىس ورىندارىنىڭ ءوسۋى تاۋارلاردى جيناقتاۋشى, بازارداعى ساتۋشى جانە بۋىپ-ءتۇيۋشى تۇرعىسىندا اتالىپ وتىر.

سونىمەن قاتار ورنالاستىرىلعان رەزيۋمەلەردىڭ قارقىنى كورسەتكەندەي, شىلدە ايىندا كىشى مەديتسينالىق قىزمەتكەرلەر مەن مەكتەپ وقىتۋشىلارى اراسىندا بەلسەندىلىكتىڭ ارتۋى بايقالادى. ماسەلەن, ءبىر اي ىشىندە ەەب-داعى فەلدشەرلەر رەزيۋمەسىنىڭ سانى 421 بىرلىككە, مەيىرگەرلەر – 237 بىرلىككە, باستاۋىش سىنىپ, شەت ءتىلى, دەنە شىنىقتىرۋ جانە سپورت مۇعالىمدەرى تيىسىنشە 283, 271 جانە 266 بىرلىككە ءوستى. پەداگوگيكالىق قىزمەتكەرلەر اراسىنداعى بەلسەندىلىكتى جاڭا وقۋ جىلىنىڭ جاقىنداۋىمەن بايلانىستىرۋعا بولادى.

ءوز كەزەگىندە, ەەب-داعى رەزيۋمەلەر مەن بوس ورىندار سانىن سالىستىرۋ, بىلىكتى ەڭبەك رەسۋرستارىنا سۇرانىستىڭ وزگەرگەنىن كورسەتەدى. شىلدە ايىندا كۇزەتشىلەرمەن, اۆتوكولىك جۇرگىزۋشىلەرىمەن جانە سانيتارلارمەن قاتار, ساۋالناما جۇرگىزۋ بويىنشا جوعارىدا ايتىلعان سۇحباتتاسۋشىلارعا (2595 بوس ورىنعا 48 رەزيۋمە), حات الماسۋ بويىنشا كومەكشىلەرگە (1 رەزيۋمە جانە 923 بوس ورىن) جانە ستاتيستەرگە (10 رەزيۋمە جانە 665 بوس ورىن) تاپشىلىق بايقالدى. بىلىكتىلىكتى قاجەت ەتپەيتىن ەڭبەككە سۇرانىس وتكەن كەزەڭدەردەگىدەي وزگەرىسسىز قالدى – ەەب-دە جۇك تۇسىرۋشىلەردىڭ, قارا جۇمىسشىلاردىڭ, اس ءۇي جۇمىسشىلارى مەن اۋلا سىپىرۋشىلاردىڭ جەتىسپەۋشىلىگى بايقالادى.

ۇسىنىلعان ەڭبەك رەسۋرستارى تۋرالى ايتاتىن بولساق, زاڭگەرلەر مەن مالشىلاردان باسقا, فەلدشەرلەر (607 رەزيۋمەگە 201 بوس جۇمىس ورنى), دەنە شىنىقتىرۋ جانە سپورت (92 بوس جۇمىس ورنى جانە 459 رەزيۋمە), شەت (229 بوس جۇمىس ورنى جانە 576 رەزيۋمە) جانە قازاق ءتىلى مۇعالىمدەرى (116 بوس ورىن جانە 455 رەزيۋمە) جونىندە ارتىق ۇسىنىس بايقالدى. بىلىكتىلىگى جوق قىزمەتكەرلەر اراسىندا قوسالقى جۇمىسشىلار, ەلدىمەكەندەر مەن اۋماقتاردى اباتتاندىرۋ بويىنشا جۇمىسشىلارعا سۇرانىس جوق, بۇل كوكتەمدە – ماۋسىمدىق جۇمىستاردىڭ باستالۋ كەزەڭىندە بوس ورىنداردىڭ كوپشىلىگى تولۋمەن بايلانىستى بولسا كەرەك.

وڭىرلىك تالداۋ ەلىمىزدىڭ ءتورت وڭىرىندە – تۇركىستان (+33%), اقمولا (+20%), اتىراۋ (+7%) وبلىستارىندا جانە شىمكەنت قالاسىندا (+10%) بوس جۇمىس ورىندارى سانىنىڭ وسكەنىن كورسەتەدى. اقمولا جانە تۇركىستان وبلىستارىندا جاڭا جۇمىس ورىندارىنىڭ ەڭ كوپ ءوسىمى «اكىمشىلەندىرۋ سالاسىنداعى قىزمەتشىلەر» ساناتتارى بويىنشا بايقالدى – تيىسىنشە 8,4 جانە 4,7 ەسە. اتىراۋ وبلىسى مەن شىمكەنت قالاسىندا بوس جۇمىس ورىندارى سانىنىڭ ەڭ ەلەۋلى ءوسىمى ء«وندىرىس وپەراتورلارى» (+48% جانە +114%) جانە «باسشىلار» (+46% جانە +39%) توپتارى تۇرعىسىندا اڭعارىلادى.

تۇركىستان وبلىسىندا شىلدە ايىندا تاپشى ماماندىقتار ءتىزىمىن ساۋالناما جۇرگىزۋ جونىندەگى سۇحباتتاسۋشى (1996 بوس ورىنعا 47 رەزيۋمە), اقمولا وبلىسىندا حات الماسۋدى جۇرگىزۋ جونىندەگى كومەكشىلەر (0 رەزيۋمە جانە 919 بوس جۇمىس ورنى), اتىراۋ وبلىسىندا ستاتيست (0 رەزيۋمە جانە 622 بوس جۇمىس ورنى) باستادى, ال شىمكەنت قالاسىندا قارا جۇمىسشىلار جەتىسپەدى (152 رەزيۋمە جانە 262 بوس جۇمىس ورنى).

ورنالاستىرىلعان رەزيۋمەلەر قارقىنى شىلدە ايىندا ىزدەنۋشىلەر سانى, ەڭ جوعارى وسىممەن قىزىلوردا (+49%), تۇركىستان (+43%) وبلىستارىندا جانە شىمكەنت قالاسىندا (+42%), 6 وڭىردە وسكەنىن كورسەتەدى. قىزىلوردا وبلىسىندا تەحنيك-ماماندار مەن باسشىلار اراسىندا, تۇركىستان وبلىسىندا اكىمشىلەندىرۋ سالاسىنداعى قىزمەتشىلەر مەن باسشىلار اراسىندا بەلسەندىلىكتىڭ ءوسۋى بايقالدى, ال شىمكەنت قالاسىندا رەزيۋمەلەردىڭ سانى كوبىنە ءوندىرىس وپەراتورلارىندا وسكەن.

جالپى, شىلدە ايىندا بوس ورىندار مەن جۇمىس ىزدەۋشىلەر اراسىنداعى الشاقتىق ساقتالدى, ال ورنالاستىرىلعان رەزيۋمەلەر ەەب-داعى سۇرانىستىڭ تەك 59%-ىن عانا قامتىدى.