كاليفورنيادا تەز تاراپ جاتقان ءورت سالدارىنان پلەيسەر جانە نەۆادا وكرۋگتەرىندە مىڭداعان ادام ەۆاكۋاتسيالاندى, 600 گەكتار جەر وتقا ورانعان, دەپ حابارلايدى Egemen.kz Reuters-كە سىلتەمە جاساپ.
كاليفورنيادا ورىن العان ءورتتىڭ سالدارىنان پلەيسەر وكرۋگىندە كەم دەگەندە 2 400 ادام ءۇيىن تاستاۋعا ءماجبۇر بولعان. ال نەۆادا وكرۋگىندە تاعى 4 200 ادام ەۆاكۋاتسيالانعان. ەكى وكرۋگتە دە ەۆاكۋاتسيا ورتالىعى جاساقتالدى.
پلەيسەر مەن نەۆادادا 1 400 اكر (566 گەكتار) جەردى جالىن باسقان. ديكسيدە 160 شاقىرىمعا جۋىق جەردەگى ءورت جالعاسۋدا. ونداعى جالىن 278 مىڭ اكر جەردى شارپىعان. ءورت باستالعان كەزدەن بەرى ءۇش اپتا ىشىندە اۋماقتىڭ تەك 35%-ىندا عانا ءتىلسىز جاۋ اۋىزدىقتالعان.