سايرام كوشەسى بويىندا ورنالاسقان «الما» مەيرامحاناسى كارانتين تالاپتارىن بۇزىپ, تۇنگى 22:54-تە كەلۋشىلەردى قابىلداعان. بۇل تۋرالى ەڭبەكشى اۋدانىنىڭ پوليتسەيلەرى حابارلادى, دەپ جازادى Egemen.kz.
Polisia.kz جازۋىنشا, اتالعان مەكەمە Ashyq باعدارلاماسىنا تىركەلمەگەن. كەلگەن قوناقتاردىڭ دەنە قىزۋىن تەكسەرمەي كىرگىزىپ, ولارعا مەديتسينالىق بەتپەردەسىز قىزمەت كورسەتكەن.
وسى جايت بويىنشا جيناقتالعان ءىس-قۇجاتتار قر اقبتك-ءنىڭ 425-بابىمەن (حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردi بۇزۋ) شارا قولدانۋ ءۇشىن شىمكەنت قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنە جولداندى.