«Ashyq» جوباسىنا قاتىسۋشى نىساندار ءۇي كارانتينىن بۇزعان 8 مىڭنان استام كەلۋشىنى انىقتادى. ونىڭ ىشىندە «قىزىل» ستاتۋسى بار 5 مىڭعا جۋىق كەلۋشى جانە «سارى» ستاتۋسى بار 3453 ادام بار, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
اۋماقتىق سانيتارلىق-ەپيدەميولوگيالىق باقىلاۋ باسقارمالارىنىڭ ماماندارى ءۇي كارانتينىن بۇزعان «قىزىل» ستاتۋسى بار كەلۋشىلەرگە قاتىستى حاتتاما جاسادى.
ەگەر كارانتيندەگى ناۋقاس سانيتارلىق-ەپيدەميولوگيالىق تالاپتاردى ساقتاماي, ءوزىن-ءوزى وقشاۋلاۋ رەجيمىن بۇزسا جانە وزگەلەرگە قاساقانا جۇقتىرۋ قاۋپىن تۋدىرسا, زاڭعا سايكەس وعان 30 اەك نەمەسە 87 510 تەڭگە مولشەرىندە اكىمشىلىك ايىپپۇل سالىنادى.
«قىزىل» جانە «سارى» ستاتۋسى بار ادام ءوزىن-ءوزى وقشاۋلاۋ ءتارتىبىن ەرىكتى شارا, ونى قاتاڭ ساقتاۋ مىندەت ەمەس دەپ سانايدى. وسىلايشا وزگەلەرگە قاۋىپ تۋدىراتىنىن تۇسىنبەي, ەمىن-ەركىن سەرۋەندەپ جۇرەدى. ويتكەنى, ۆيرۋس ادام اعزاسىنا تۇسكەننەن كەيىن ءبىراز ۋاقىت ينكۋباتسيالىق جاعدايدا بولادى, ال ونى جۇقتىرعان ادام وزگەلەرمەن قارىم-قاتىناس جاساي وتىرىپ, ينفەكتسيانى تاراتاتىنىن تۇسىنبەيدى», دەپ اتاپ ءوتتى ونلاين-بريفينگ بارىسىندا نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا.
ەستەرىڭىزگە سالا كەتەيىك, ناۋقاستارمەن بايلانىستا بولعان, الايدا COVID-19-دىڭ تەرىس پتر-تەست ناتيجەسى بار ادامنىڭ «سارى» ستاتۋسى 14 كۇنگە دەيىن ساقتالادى.