تۇركىستان وبلىسىندا كونە تۇركى داۋىرىنە قاتىستى ەرەكشە ءپاشاندى تاس ءمۇسىن تابىلدى. بۇل تۋرالى حاباردى تاريح عىلىمدارىنىڭ دوكتورى, قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ پروفەسسورى مۇحتار قوجا جەكە پاراقشاسىندا حابارلادى, دەپ جازادى Egemen.kz تۇركى اكادەمياسىنىڭ ءباسپاسوز قىزمەتىنە سىلتەمە جاساپ.
ەسكەرتكىشتى ساپاربەك اسقاربەك ۇلى دەگەن جەرگىلىكتى ازامات تاۋىپ, ءتيىستى ماماندارعا حابارلاسقان ەكەن. اتالعان تاس ءمۇسىندى كورۋ ءۇشىن قوجا احمەت ياساۋي اتىنداعى حقتۋ ارحەولوگيا عىلىمي زەرتتەۋ ينستيتۋتىنىڭ باس عىلىمي قىزمەتكەرى مۇحتار قوجا باستاعان ماماندار الدىن-الا زەرتتەۋ جۇمىستارىن جۇرگىزدى. ماماندار كونە تۇركى داۋىرىنە جاتاتىن تاس ءمۇسىننىڭ بەينەسى تۋرالى ءتۇرلى بولجامدار ايتۋدا. جۇرگىزىلگەن زەرتتەۋ جۇمىستارىنىڭ ناتيجەسى الداعى ۋاقىتتا جاريالانادى.
ايتا كەتۋ كەرەك, وسى تاس مۇسىنگە ۇقساس ەسكەرتكىشتەر قازاقستاننىڭ وڭتۇستىگىندە, قىرعىزستاندا, سونداي-اق التاي وڭىرىندە كۋدىرگە كەشەنىندە تابىلعان بولاتىن.