«بولاشاق» باعدارلاماسىنا جاڭا سانات قوسىلدى

ەندى مادەنيەت جانە سپورت سالاسىنىڭ قىزمەتكەرلەرى New York Film Academy, University of the Arts London, Scuola Musicale di Milano جانە ت.ب. شەتەلدىك جەتەكشى جوعارى وقۋ ورىندارىندا تاعىلىمدامادان وتە الادى.

ارتىستەر, رەجيسسەرلەر, سۋرەتشىلەر, ونەرتانۋشىلار ءبىر جىل بويى «ارت-مەنەدجمەنت», «ديزاين. سۋرەت», «ديريجەرلەۋ», «ونەرتانۋ», «ستسەنوگرافيا» جانە تاعى دا باسقا ماماندىقتار بويىنشا وقي الادى.

دەنە شىنىقتىرۋ جانە سپورت سالاسىنىڭ ماماندارى «سپورتتىق پسيحولوگيا», «سپورتتىق مەديتسينا», «سپورتتىق قۇقىق» سياقتى باعىتتار بويىنشا بىلىكتىلىكتەرىن ارتتىرا الادى.

«بۇرىن مادەنيەت جانە سپورت سالاسىنىڭ قىزمەتكەرلەرى «بولاشاق» باعدارلاماسى بويىنشا تاعىلىمدامادان وتپەگەن. ەلىمىزدە وسى سالالاردىڭ دامۋىن قولداۋ ماقساتىندا قاجەتتى جۇمىستار جاسالدى. ەندى مادەنيەت جانە سپورت ماماندارىندا الەمنىڭ بەدەلدى شەتەلدىك جوعارى وقۋ ورىندارى مەن ۇيىمدارىندا وزدەرىنىڭ كاسىبي دەڭگەيىن ارتتىرۋ مۇمكىندىگى بار. كريتەريلەرگە كەلەتىن بولساق, ۇمىتكەرلەردىڭ كەمىندە ءۇش جىل جالپى جۇمىس ءوتىلى, ونىڭ ىشىندە سوڭعى 12 اي تاڭداعان ماماندىعى بويىنشا جۇمىس ءوتىلى بولۋى ءتيىس. سونداي-اق قابىلداۋشى شەتەلدىك ۇيىمنان شاقىرتۋدىڭ, ۆ1 دەڭگەيىنەن كەم ەمەس ناتيجەسى بار ءتىل بويىنشا ەمتيحان تاپسىرعانى تۋرالى سەرتيفيكاتتىڭ بولۋى مىندەتتى», دەپ ءتۇسىندىردى قر بعم حالىقارالىق باعدارلامالار ورتالىعى پرەزيدەنتىنىڭ م.ا. دانيار مۇقيتانوۆ.

ستيپەندياتتار تاعىلىمدامادان ءوتۋ ءۇشىن كەپىلگە جىلجىمايتىن م ۇلىك قويمايدى. مىندەتتەمەلەردىڭ ورىندالۋىن قامتاماسىز ەتۋ ءۇشىن سوڭعى 12 اي ىشىندە تۇراقتى تابىسى بار ەكى 50 جاسقا دەيىنگى قازاقستان ازاماتىن كەپىلگەر رەتىندە ۇسىنۋ جەتكىلىكتى.

2021 جىلى دەنساۋلىق ساقتاۋ, مادەنيەت, سپورت سالاسىنىڭ قىزمەتكەرلەرى, پەداگوگتەر, مەملەكەتتىك قىزمەتكەرلەر, ينجەنەر-تەحنيكتەردىڭ تاعىلىمدامادان ءوتۋى ءۇشىن 110 «بولاشاق» ستيپەندياسى بولىنگەن.

ەستەرىڭىزگە سالا كەتەيىك, حالىقارالىق ستيپەنديانى تاعايىنداۋ كونكۋرسىنا قاتىسۋ ءۇشىن قۇجاتتاردى قابىلداۋ 4 مامىردا باستالىپ, 28 قازانعا دەيىن جالعاسادى.