مۋرالدا ماڭگىلىك ەل يدەياسى بەينەلەنگەن, ول قازاق راديوسىنىڭ عاسىرلىق تاريحي ەۆوليۋتسياسىمەن ۇشتاسقان, دەپ جازادى Egemen.kz.
ستريت-ارت جوبا راديوارنانىڭ ديرەكتورى دۋلات ابيبۋللاەۆ پەن ەلوردا اكىمدىگىنىڭ باستاماسىمەن, سونداي-اق قالالىق ۋربانيستيكا ورتالىعىنىڭ كومەگىمەن جۇزەگە اسىرىلدى, دەپ جازادى قالا اكىمىنىڭ رەسمي سايتى.
«قازاق راديوسىنىڭ 100 جىلدىعى مەن تاۋەلسىزدىكتىڭ 30 جىلدىعى اياسىندا بيىل بىرقاتار قوعامدىق-مادەني شارالار جۇزەگە اسىرىلدى. مىسالى, نۇر-سۇلتاندا ءبىزدىڭ راديونىڭ رەداكتسياسىنىڭ جانىنداعى كوشەلەردىڭ ءبىرى «قازاق راديوسى كوشەسى» دەپ اتالدى. باق قىزمەتكەرلەرىنىڭ كاسىبي مەرەكەسى قارساڭىندا مەملەكەت باسشىسى ق.توقاەۆ 1 قازاندى - راديو قىزمەتكەرلەرى كۇنى دەپ جاريالاۋدى ۇسىندى. ءدال وسى كۇنى, وسىدان 100 جىل بۇرىن قازاق راديوسى ءوزىنىڭ حابار تاراتۋىن باستادى. ارداگەرلەر مەن راديو قىزمەتكەرلەرى بۇل باستامانى زور قۋانىشپەن قابىلدادى.
نۇر-سۇلتان قالاسىنىڭ اكىمدىگىنە, ەسىل اۋدانىنىڭ اكىمدىگىنە جانە قالالىق ۋربانيستيكا ورتالىعىنا زور العىسىمدى ايتقىم كەلەدى. بۇل جەر راديو سۇيەر قاۋىم مەن قالا تۇرعىندارى ءۇشىن تاعى ءبىر ايشىقتى ورىنداردىڭ ءبىرى بولادى دەگەن ۇمىتتەمىن», دەدى «قازاق راديولارى» جشس باس رەداكتورى - «قازاق راديوسى» راديوارناسىنىڭ ديرەكتورى دۋلات ابيبۋللاەۆ.
مۋرال ساۋران مەن سىعاناق كوشەلەرىنىڭ قيىلىسىندا ورنالاسقان.