قر باس مەملەكەتتىك سانيتاريالىق دارىگەرىنىڭ 2021 جىلعى 29 شىلدەدەگى №33 قاۋلىسىنا قوسىمشا «Ashyq» جوباسىنا جاڭا قاتىسۋشىلاردى قوسۋ الگوريتمى جاريالاندى, دەپ جازادى Egemen.kz.
قاۋلى بويىنشا:
بارلىق جاڭا قاتىسۋشىلار ءۇشىن «Ashyq» جوباسىنا قاتىسۋعا وتىنىمدەر InfoKazakhstan.kz سايتىندا جانە ونىمەن بىرىكتىرىلگەن اitu, Halyk Bank جانە باسقالارى سياقتى پلاتفورمالار ارقىلى بەرىلەدى.
سايت ارقىلى ءوتىنىم بەرۋ ءۇشىن InfoKazakhstan.kz سۋبەكتى (وبەكتى):
1) زاڭدى تۇلعانىڭ نەمەسە دارا كاسىپكەردىڭ ەلەكتروندىق تسيفرلىق قولتاڭباسىنىڭ (بۇدان ءارى – ەتسق) كومەگىمەن InfoKazakhstan.kz باستى بەتىنە كىرۋى جانە ەتسق ارقىلى پايدالانۋشىنىڭ دەرەكتەرىن تولتىرۋى قاجەت;
2) اۆتوريزاتسيادان كەيىن «مەنىڭ وتىنىمدەرىم» قويىندىسى اۆتوماتتى تۇردە اشىلادى, وندا «جاڭادان ءوتىنىم بەرۋ» باتىرماسىن باسۋ قاجەت;
3) «جاڭا ءوتىنىم» قوسىمشا بەتىنە كىرە وتىرىپ, كاسىپكەر ءوتىنىم نىسانىن تولتىرادى جانە QR الۋعا سۇراۋ جىبەرەدى. QR الۋ الدىندا ء«بىلىم بازاسىن» جۇكتەۋ (كىرۋ كەزىندە ورنالاستىرۋ ءۇشىن ينفوگرافيكا, باس سانيتاريالىق دارىگەردىڭ قاۋلىلارى, Ashyq جوباسى بويىنشا ءجيى قويىلاتىن سۇراقتارعا جاۋاپتار جانە ت. ب.) جانە ماتەريالدارمەن تانىسۋ قاجەت;
4) سۋبەكت (وبەكت) رۇقسات بەرۋ قۇجاتتارىنىڭ بار ەكەنىن جانە سانيتاريالىق-ەپيدەميولوگيالىق تالاپتارعا سايكەستىگىن راستايدى. QR كودى سۋبەكتىدە مىناداي رۇقسات بەرۋ قۇجاتتارىنىڭ ءبىرى بولعان كەزدە عانا بەرىلەدى:
- اشۋعا رۇقسات/حابارلاما (ەپيدەميالىق ماڭىزدىلىعى جوعارى وبەكتىنىڭ سايكەستىگى تۋرالى سانيتاريالىق-ەپيدەميولوگيالىق قورىتىندى نەمەسە ەپيدەميالىق ماڭىزدىلىعى ەلەۋسىز وبەكتىلەر قىزمەتىنىڭ باستالعانى تۋرالى حابارلاما);
- قىزمەتتى جاڭارتۋ بويىنشا سانيتاريالىق نورمالارعا سايكەستىك اكتىسى. سايكەستىك اكتىسىن الۋ ءتارتىبى پايدالانۋشىنىڭ جەكە كابينەتىندە قولجەتىمدى;
5) QR كودىن الۋمەن ءبىر مەزگىلدە بيزنەس سۋبەكتىسى ونىڭ Ashyq جوباسىنىڭ قاتىسۋشىلارىنا جاتاتىنى-جاتپايتىنى (وسى قاۋلىعا 4-قوسىمشاعا سايكەس جەڭىلدىكتەرمەن جۇمىس ىستەيدى) نەمەسە ەرىكتى قاتىسۋشى تۋرالى حابارلاما الادى.
QR-كودتى العاننان كەيىن پايدالانۋشىنىڭ جەكە كابينەتىندە «كۇزەتشى رەجيمىن» (جسن نەمەسە كۋالاندىرۋشى قۇجات بويىنشا كەلۋشىنىڭ مارتەبەسىن تەكسەرۋدى جۇزەگە اسىرۋعا مۇمكىندىك بەرەتىن باعدارلاما) الۋعا نۇسقاۋلىق كورىنەدى.
QR كودتى العاننان كەيىن Ashyq جوباسىنىڭ قاتىسۋشىسى تەستىلىك رەجيمدە 1 اپتا جۇمىس ىستەيدى.
تەستىلىك رەجيمدە 7 كۇن جۇمىس ىستەگەننەن كەيىن Ashyq جوباسىنا قاتىسۋشىلار تۋرالى اقپارات اكىمدىكتەرگە بەرىلەدى جانە ءبىر كۇن ىشىندە اكىمدىكتىڭ سايتىندا ورنالاستىرىلادى.