وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 28 شىلدەدە ساعات 12:00 شاماسىندا 71 جاستاعى زەينەتكەردى توناپ كەتكەن, دەپ جازادى Egemen.kz.
«بەلگىسىز ەر ادام زەينەتكەردى جەرگە قۇلاتىپ, تەلەفونىن تارتىپ العان. ءسويتىپ, وقيعا ورنىنان بوي تاسالاپ, قاشىپ كەتكەن. ءتارتىپ ساقشىلارى جەدەل ىزدەستىرۋ ءىس-شاراسىن جۇرگىزىپ, كۇدىكتى ازاماتتى ۇستادى. كۇدىكتى اتىراۋ قالاسىنىڭ 29 جاستاعى تۇرعىنى بولىپ شىقتى» دەپ حابارلادى دەپارتامەنتتىڭ ءباسپاسوز قىزمەتى.
قازىر زەينەتكەردى توناعان كۇدىكتىگە قاتىستى قر قىلمىستىق كودەكسىنىڭ 191-بابىنىڭ 1-بولىگىمەن سوتقا دەيىنگى تەرگەۋ ءجۇرىپ جاتىر. كۇدىكتىدەن ايعاق زات تاركىلەنىپ, ۋاقىتشا ۇستاۋ يزولياتورىنا قاماۋعا الىندى.