الماتىlداعى ينفەكتسيالىق ستاتسيونارلاردا 4 مىڭنان استام ادام ەمدەلىپ جاتىر, دەپ جازادى Egemen.kz.
كەشەگى كۇنگى جاعداي بويىنشا كوروناۆيرۋستىق ينفەكتسيانىڭ 1450 جاڭا جاعدايى تىركەلگەن. ونىڭ 1345-ىندە سيمپتومدىق بەلگىلەرى بار جانە 105-ءى سيمپتومسىز بولىپ تابىلادى. بارلىق ەمدەلىپ شىعارىلعانداردىڭ سانى – 301, كەلىپ تۇسكەندەرى – 522. بۇگىندە ينفەكتسيالىق ستاتسيونارلاردا (6 265 توسەك-ورىن) جالپى سانى 4 148 ادام (ونىڭ ىشىندە 215 بالالار) ەمدەلۋدە.
الماتى قالاسى قوعامدىق دەنساۋلىق باسقارماسى ءباسپاسوز قىزمەتىنىڭ دەرەگى بويىنشا, جالپى رەانيماتسيا جانە قارقىندى تەراپيا بولىمشەسىندە – 281, ءوجج – 27, ءينۆازيۆتى ەمەس ءوجج – 121, High flow-دا 98 اپپاراتتار جۇمىس ىستەيدى. بۇگىنگى تاڭدا بمسك مەن تەلەمەديتسينا ورتالىعى دارىگەرلەرىنىڭ باقىلاۋىندا 8 133 ناۋقاس باقىلاۋ جاتىر. ولاردىڭ ىشىندە جەڭىل جانە ورتاشا اۋىر جاعدايدا – 7660, سيمپتومسىز 473 ناۋقاس بار.
ۆاكتسيناتسيا بويىنشا بۇگىنگى اقپاراتقا سۇيەنسەك, الماتى قالاسى بويىنشا ءبىر تاۋلىك ىشىندە 7 707 ادام ۆاكتسينا الدى.
ءبىرىنشى شىلدەدەن كۇنى كەشەگە دەيىن قالا بويىنشا 1-كومپونەنتتى 698 418 ادام ۆاكتسيناتسيالاندى. ۆاكتسينا العانداردىڭ جالپى سانىنان 60 جاستان اسقان قارت كىسىلەر 97 186 ادامدى قۇرايدى. 28 شىلدە كۇنى جالپى سانى 4 995 دوزا قازاقستاندىق QazVac ۆاكتسيناسى الىندى.
بۇگىنگى تاڭدا الماتىدا مەديتسينالىق ۇيىمداردا, مەكتەپتەردە, مادەنيەت, سپورت وبەكتىلەرىندە, بازارلاردا جانە قالانىڭ سوسو-دا 212 ۆاكتسيناتسيا پۋنكتى جۇمىس ىستەيدى. 308 ۆاكتسيناتسيا بريگاداسىندا 1 260 مەديتسينا قىزمەتكەرلەرى جۇمىلدىرىلعان.