«قازاقستان عارىش ساپارى» ۇك» اق-تىڭ تۇسىرىلىمدەرىمەن اتىراۋ وبلىسىندا 130 قوقىس ءۇيىندىسى انىقتالىپ وتىر. ونىڭ 128-ءى اتىراۋ قالاسىندا, ەكەۋى ماحامبەت اۋدانىنىڭ اۋماعىندا ورنالاسقان.
«وسىعان بايلانىستى عارىشتان مونيتورينگىلەۋ ناتيجەسىندە, انىقتالعان قوقىس قالدىعىنىڭ ورنىن جويۋ ءۇشىن ارنايى كەستە جاساقتالدى. اتالعان كەستەگە سايكەس رۇقساتسىز قوقىس ۇيىندىلەرىن جويۋعا ءبىر اي مەرزىم بەلگىلەندى», دەپ حابارلادى دەپارتامەنتتىڭ ءباسپاسوز قىزمەتى.
دەپارتامەنت ماماندارى قالالىق اكىمدىك, پوليتسيا وكىلدەرىمەن بىرگە تۇرمىستىق قالدىقتاردى تاستاعانداردى انىقتاۋ ماقساتىندا رەيد وتكىزدى. ءىس-شارا كەزىندە اتىراۋ قالاسىنىڭ جۇمىسكەر شاعىن اۋدانىندا رۇقسات بەرىلمەگەن قوقىس ورىندارىنا باقىلاۋ جۇرگىزىلىپ, تۇرعىندارعا ءتۇسىندىرۋ جۇمىسى جۇرگىزىلدى.
سونداي-اق قورشاعان ورتاعا نەمقۇرايدى قاراۋ دەرەكتەرى قۇرمانعازى اۋدانىندا دا كەزدەسىپ وتىر. ماسەلەن, №7 وتكەل تۇسىندا STA Profit Group جشس تاستاپ كەتكەن جەر ۋچاسكەسىندە ورنالاسقان مۇناي قالدىقتارى انىقتالدى. ال قۇرمانعازى اۋىلىندا تۇرمىستىق قاتتى قالدىقتار جينايتىن, سارقىندى سۋلار توگىلەتىن بۋلانۋ الاڭدار قورشالماعان. قوقىس الاڭىنا جايىلعان مال وعان ەركىن كىرەدى. مال ولەكسەلەرى ارنايى الاڭنىڭ سىرتىنا تاستالعان.
اتىراۋ وبلىسى