اتىراۋ پوليتسەيلەرى زاڭسىز ەلەكترلى قارۋدى ساتقان دۇكەندى انىقتادى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, عالامتوردا جاريالانعان جارنامالارعا تالداۋ جۇرگىزىلگەن.
«اكىمشىلىك پوليتسيا باسقارماسىنىڭ ازاماتتىق جانە قىزمەتتىك قارۋ اينالىمىن باقىلاۋ توبى عالامتورداعى جارنامالاردى تالداۋ كەزىندە اتىراۋ قالاسىندا ورنالاسقان اڭشىلار مەن بالىقشىلار دۇكەنىندە ەلەكتروشوكەردى زاڭسىز ساتۋ دەرەگىن انىقتادى. زاڭسىز ساتىلىمنان 20 دانا ەلەكتروشوكەر تاركىلەندى», دەپ حابارلادى دەپارتامەنتتىڭ ءباسپاسوز قىزمەتى.
ەندى زاڭدى تۇلعا قر اكىمشىلىك قۇقىقبۇزۋشىلىق تۋرالى كودەكسىنىڭ 482-بابىمەن جاۋاپكەرشىلىككە تارتىلماق.