بۇگىن, 25 شىلدەدە قازاقستاندىق زىلتەمىرشى يگور سون وليمپيادا ويىندارىنىڭ قولا مەدالىن جەڭىپ الدى, دەپ حابارلايدى Egemen.kz.
«ويىمدى جيناقتاۋعا تۋرا كەلدى. قالاي ۋايىمداعانىمدى سوزبەن جەتكىزە المايمىن.
شىنى كەرەك, توكيوعا دەيىن مۇنداي سالماق كوتەرگەن ەمەسپىن. دەمەك, بۇل مەنىڭ ءىرى جارىستاردا كورسەتكەن ەڭ جاقسى ناتيجەم. جاتتىعۋ زالىندا قارسىلاستاردى باقىلاپ وتىردىق. باستى قارسىلاسىم زىلتەمىردى قيسايتىپ العان كەزدە دە ۋايىمىم كەتە قويمادى. ءبارى بولۋى مۇمكىن عوي. مەن جۇلقا كوتەرۋدەن جاقسىمىن, دەسە دە, سەرپە كوتەرۋدە ءبىراز قيىندىق بار. ال تورەشىلەر ەسەپتەمەي قويعان ەكى مۇمكىندىككە كەلەر بولساق, ەكەۋىندە دە شىنتاعىمنىڭ قوزعالانى كەرى اسەر ەتتى. بارلىعى تازا بولۋى كەرەك.
راحمەت, قازاقستان! ماعان قولداۋ كورسەتكەندەردىڭ بارىنە العىس ايتامىن. العا, قازاقستان», دەدى سون وليمپيادا ويىندارىنان العان اسەرلەرىمەن ءبولىسىپ.