دزيۋدودان قازاقستاننىڭ ۇزدىگى ەلدوس سمەتوۆ توكيو وليمپياداسىنىڭ جارتىلاي فينالىندا ءسۇرىندى, دەپ حابارلايدى Egemen.kz.
60 كيلو سالماقتا سىنعا تۇسكەن سمەتوۆ جارتىلاي فينالدا تاتامي يەسى, جاپوندىق ناوحيسا تاكاتودان جەڭىلىپ قالدى. ەلدوستىڭ كارەراسىنداعى وتە اۋىر بەلدەسۋگە قاراماستان, 12 مينۋتتاي كۇرەسكەن جەرلەسىمىز جارادى.
«Golden Score» كەزەڭىندە ەلدوس الەمنىڭ ءۇش دۇركىن چەمپيونىمەن تەڭ دارەجەدە كۇرەستى. ايتكەنمەن, ونىڭ قارسىلاسى «ۆاززاري» ۇپايىن ەنشىلەپ فينالعا ءوتتى. جۇرت ەلدوستىڭ بەلدەسۋىنە ءتانتى بولىپ, 2 مينۋتتاي شاپالاق ۇرىپ تۇردى.
ەندى جەرلەسىمىز قولا جۇلدە ءۇشىن تاتاميگە شىعادى. جەرلەسىمىزگە ەڭ بولماسا قولا جۇلدە بۇيىرسىن دەپ تىلەيىك.