23 شىلدە كۇنى, توكيو وليمپياداسىنىڭ اشىلۋ سالتاناتى قارساڭىندا قازاقستان ۇلتتىق وليمپيادالىق كوميتەتى وليمپياداعا اتتانعان سپورتشىلاردى قولداۋعا ارنالعان ءان مەن بەينەباياننىڭ تۇساۋكەسەرىن جاسادى, دەپ حابارلايدى Egemen.kz ۇوك ءباسپاسوز قىزمەتىنە سىلتەمە جاساپ.
«ارناۋ» انىنە ارنالعان بەينەبايانعا ءانشى روزا رىمباەۆا, سازگەر رەنات گايسين, Ninety One توبى, مارسەل, ءالي وقاپوۆ, ايدانا مەدەنوۆا, قاراقات باشانوۆا, دينايا جانە مادي سىزدىقوۆ تۇستى.
«قازاقستاندىقتاردىڭ سپورتتاعى جەتىستىكتەرى ەلىمىزدىڭ تاريحىنا التىن ارىپتەرمەن جازىلدى. ولار شابىتتاندىرادى, قۋات بەرەدى جانە مىڭداعان وتانداستارىمىزدىڭ ماقتانىشىنا سەبەپ بولادى. وليمپيادا ويىندارىنىڭ اشىلۋ سالتاناتى وتەتىن كۇنى ءبىز سپورتشىلارىمىزعا ءبىز ءاردايىم قولدايتىنىمىزدى, جانكۇيەرلەردىڭ ماڭىزدى جارىسقتا مارە سىزىعىندا دايىن تۇرعان سپورتشىلاردىڭ ءاردايىم جانىنان تابىلاتىنىن جەتكىزگىمىز كەلەدى», دەدى ۇلتتىق وليمپيادالىق كوميتەتى #teamKZ-ءتىڭ ء«بىر ەل - ءبىر كوماندا» ۇستانىمىن ەسكە الا وتىرىپ.
ءاننىڭ نەگىزى رەتىندە رەنات گايسين جازعان ۇلتتىق وليمپيادالىق كوميتەتتىڭ ءانۇرانى الىندى, ال ءماتىنىن ميراس قالدىمۇرات جازعان.
ءانۇراننىڭ قايىرماسى وليمپياداشىلارعا ارناۋ رەتىندە ايتىلادى. ودان بولەك, «ارناۋ» ءانىن جارىققا شىعارۋعا الي وقاپوۆ, باتىرحان مالىكوۆ, دانيار ق ۇلىمشين, ازامات اشماقىن ۇلەس قوستى. ال ءان ءماتىنىن دانيار وتەگەن, دۋلات مۇحامەتقاليەۆ جانە الەكسەي ماكلاي جازدى.
ۆيدەوكليپتە ءاننىڭ نەگىزى ماعىناسى ساقتالعان. ال فوندا تانىمال قازاقستاندىق سپورتشىلاردىڭ جارقىن ساتتەرى بەينەلەنەدى. اتاپ ايتار بولساق, بوكسشى ۆاسيلي لەۆيتتىڭ جەكپە-جەگى, دميتري بالانديننىڭ فينالداعى جەڭىستى ءساتى, دزيۋدوشى ەلدوس سمەتوۆتىڭ بەلدەسۋىنەن ۇزىندىلەر, گيمناست ميلاد كاريميدىڭ ونەر كورسەتكەن ءساتى, سپورتتىق قۇزعا ورمەلەۋدەن ريشات حايبۋللين مەن بوكسشى نادەجدا ريابەتستىڭ جاتتىعۋى, الەكساندر ۆينوكۋروۆتىڭ وليمپياداداعى جەڭىسى مەن بەكزات ساتتارحانوۆتى ماراپاتتاۋ ءساتى كورىنىس تاپقان.
مۋزىكالىق تۋىندى مەن بەينەبايان قازاقستاندىق سپورتتىڭ داڭقىن ودان ءارى اسىرىپ, توكيو وليمپياداسىنان تىس كەزدەردە دە قولدانىلادى. بۇل ەل سپورتىنىڭ وتكەنى مەن بۇگىنى جانە ۇمىتكە تولى بولاشاعىنا قاتىستى تۋىندى.
23 شىلدە كۇنى 2020 جىلعى وليمپيادا ويىندارىنىڭ اشىلۋ سالتاناتى وتەدى. قازاقستان ۇلتتىق وليمپيادالىق كوميتەتى جانكۇيەرلەردى وتاندىق سپورتشىلاردى ەڭ سوڭىنا دەيىن قولداۋعا شاقىردى.