اقتوتى رايىمقۇلوۆا قازاقستاندىق سپورتشىلارعا سəتتىلىك تىلەدى

«قۇرمەتتى سپورتشىلار, باپكەرلەر, قازاقستان دەلەگاتسياسىنىڭ وكىلدەرى!

سىزدەر əلەم حالقى اسىعا كۇتكەن جاپونيادا وتەتىن XXXII جازعى وليمپياداعا اتتاندىڭىزدار. اتلەتتەردىڭ العاشقى لەگى ارنايى قالاشىققا جەتىپ, قازىر قىزۋ دايىندىعىن جالعاستىرىپ تا جاتىر.

جالپى وليمپيادا ەجەلدەن بەيبىتشىلىكتىڭ جارشىسى اتانعان, بىلەكتى دە جۇرەكتى اتلەتتەردى, ءتۇرلى ۇلت پەن ۇلىس وكىلدەرىن بىرىكتىرەتىن دوستىق مەيرامىنا اينالدى. Əر ەل كىل مىقتىسىن اتتاناتىن ءتورت جىلدىقتىڭ باستى دوداسى كەسكىلەسكەن ءəدىل بəسەكە الاڭى بولۋىمەن قاتار تەڭدىك, جاسامپازدىق, دوستىق ۇستەمدىك قۇراتىن مەزەت.

وسى جولى əلەمدى شارپىعان ىندەتتىڭ سالدارىنان وليمپيادا ءدəستۇرلى ءتورت جىلدان كەيىن ەمەس, ءبىر جىلعا كەيىنگە شەگەرىلىپ وتكەلى تۇر. وسىنداي كۇردەلى كەزەڭدە مەملەكەت باسشىسى قاسىم-جومارت توقاەۆ, تۇڭعىش پرەزيدەنت - ەلباسى نۇرسۇلتان نازارباەۆ, ەل ۇكىمەتى وليمپياداشىلار ءۇشىن بارلىق جاعدايدى جاساپ جاتقانىن ايتا كەتكىم كەلەدى.

وتاندىق اتلەتتەر قازاقستان تəۋەلسىز ەر رەتىندە العاش رەت قاتىسقان اتلانتاداعى جازعى وليمپيا ويىندارىنان باستاپ باتىلدىق, تاباندىلىق پەن دوستىققا نەگىزدەلگەن يگى ءدəستۇردى لايىقتى جالعاستىرىپ جاتىر. الدىڭعى ءتورت جىلدىقتىڭ باستى بəسەكەسىندە سپورتشىلارىمىز جالپى جۇلدە سانى بويىنشا قۇراما رەكوردىن ورناتقانى ءۇمىتىمىزدى ەسەلەيتىنى جاسىرىن ەمەس. سىزدەردىڭ توكيوداعى əر جەتىستىكتەرىڭىز باعا جەتپەس تəۋەلسىزدىگىمىزدىڭ 30 جىلدىعىنا قۇندى تارتۋ دەپ بىلەمىز.

قۇرمەتتى سپورتشىلار, قارانار قازاق ەلى سىزدەرگە سەنەدى, əر دودادا قىزۋ قولداۋ كورسەتەدى. ءسəتىن سالىپ بايراقتى بəسەكەدە اسىعىڭىزدىڭ الشىسىنان تۇسۋىنە تىلەكتەسپىن.

قۇرمەتتى باپكەرلەر, اسقان ىجداھاتتىلىقپەن دايارلاعان سايىپقىراندارىڭىزدىڭ سايىستا باعى مەن بابى قاتار شاۋىپ, ۇلى دالا ەلىنىڭ داڭقىن اسقاقتاتا بەرسىن. كوزگە كورىنە بەرمەيتىن قاجىرلى ەڭبەكتەرىڭىز اقتالسىن.

توكيو تورىندەگى سايىستا كورنەكتى قايراتكەر پەر دە كۋبەرتەن ۇسىنعان ۇرانداعىداي əر سپورتشىمىز «جىلدامىراق, بيىگىرەك, مىقتىراق» اتانىپ, جۇلدەلى بولسىن! وسى جولدا سəتتىلىك تىلەيمىن!»-دەپ جازىلعان قۇتتىقتاۋ حاتىندا.