قر ءتسدياوم ءمينيسترىنىڭ بۇيرىعىمەن قاجمۇقان احماتدين ۇلى بەكمۇقاشەۆ قازاقستان رەسپۋبليكاسى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ گەودەزيا جانە كارتوگرافيا كوميتەتىنىڭ توراعاسى قىزمەتىنە تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلايدى.
قاجمۇقان بەكمۇقاشەۆ 1982 جىلى ورىنبور وبلىسىندا (رف) دۇنيەگە كەلگەن. قازاق مەملەكەتتىك زاڭ اكادەمياسىن, باتىس قازاقستان ينجەنەرلىك-گۋمانيتارلىق ۋنيۆەرسيتەتىن بىتىرگەن.
ەڭبەك جولىن 2002 جىلى جەكە ۇيىمدا زاڭگەر لاۋازىمىنان باستاعان. 2005-2006 جىلدارى — اقتوبە وبلىسىنىڭ دەنە شىنىقتىرۋ جانە سپورت باسقارماسى بۇقارالىق جانە ۇلتتىق سپورت تۇرلەرىن دامىتۋ ءبولىمىنىڭ باس مامانى.
2006-2011 جىلدارى — اقتوبە وبلىسى اكىمىنىڭ اپپاراتىندا ءتۇرلى لاۋازىمداردا قىزمەت اتقاردى.
2011-2012 جىلدارى – اقتوبە جانە باتىس قازاقستان وبلىستارى بويىنشا وڭىرارالىق جەر ينسپەكتسياسىنىڭ باسشىسى; قر جەر رەسۋرستارىن باسقارۋ اگەنتتىگىنىڭ «مەمجەرعوو» رمك باس ديرەكتورى ورىنباسارىنىڭ م. ا., اقتوبە قالاسى.
2012-2013 جىلدارى – قر جەر رەسۋرستارىن باسقارۋ اگەنتتىگىنىڭ گەودەزيا, كارتوگرافيا جانە گەودەزيالىق باقىلاۋ دەپارتامەنتى ديرەكتورىنىڭ ورىنباسارى, استانا قالاسى.
2013-2014 جىلدارى – قر وڭىرلىك دامۋ مينيسترلىگى, گەودەزيا جانە كارتوگرافيا باسقارماسىنىڭ باسشىسى.
2014-2016 جىلدارى – قر ۇلتتىق ەكونوميكا مينيسترلىگى گەودەزيا جانە كارتوگرافيا باسقارماسىنىڭ باسشىسى.
2016-2019 جىلدارى – قر اۋىل شارۋاشىلىعى مينيسترلىگى گەودەزيا جانە كارتوگرافيا باسقارماسىنىڭ باسشىسى.
2019 جىلعى تامىز ايىنان قاراشاعا دەيىن – قر ءتسدياوم گەودەزيا جانە كارتوگرافيا كوميتەتىنىڭ مەملەكەتتىك گەودەزيالىق باقىلاۋ جانە مەملەكەتتىك قىزمەتتەر كورسەتۋ باسقارماسىنىڭ باسشىسى.
2019 جىلعى قاراشادان باستاپ قازىرگى ۋاقىتقا دەيىن قر ءتسدياوم گەودەزيا جانە كارتوگرافيا كوميتەتى توراعاسىنىڭ ورىنباسارى بولدى.