ءتارتىپتى ساقتاۋدى تاپسىردى

شتاب وتىرىسىندا دەني­سوۆ, جانگەلدين, ۇزىن­كول اۋداندارىنىڭ اكىمدەرى ءوز وڭىرلەرىندەگى ەپيدەميالىق جاعداي تۋرالى باياندادى. ال مونيتورينگتىك توپ وكىلدەرىنىڭ سوزىنشە, وبلىستاعى كوپتەگەن بيزنەس نىسانى ءالى دە بولسا تارتىپكە باعىنباي وتىر­عانىن مالىمدەدى. مىسالى, مونيتورينگتىك توپتار 1 ماۋ­سىم مەن 16 شىلدە ارا­لىعىندا 3 666 تەكسەرۋ جۇر­گىزىپ, 178 نىساننىڭ كارانتين تالاپتارىن بۇزعانىن انىقتاعان.

جيىن بارىسىندا جەدەل شتاب مۇشەلەرىنە كارانتين تالاپتارىنىڭ ساقتالۋىن با­قىلاۋدى قاتايتۋدى قاداپ تاپسىرعان ايماق باسشىسى ىندەتكە قارسى ەكپە جاساتقانداردىڭ كۇن ساناپ ەسە­لەنىپ كەلە جاتقانىن ايتتى.

– سوڭعى مالىمەت بو­يىن­شا 222 مىڭنان اسا ادام ۆاكتسينانىڭ ءبىرىنشى كومپونەنتىن قابىلدادى. بۇگىندە وبلىس حالقىنىڭ 44%-ى ەكپە جاساتتى. ال 114 مىڭعا جۋىق ادام, ياعني وبلىس تۇرعىندارىنىڭ 22,4%-ى ۆاكتسينانىڭ ەكىنشى كومپونەنتىن قابىلدادى. بۇگىندە وبلىسقا ۆاكتسينانىڭ ءبىرىنشى كومپونەنتىنىڭ 259 500 دوزاسى, ەكىنشى كوم­پونەنتتىڭ 183 250 دوزاسى جەتكىزىلدى. قازىر ينفەك­تسيالىق اۋرۋحانادا 586 ادام ەمدەلىپ جاتىر, – دەگەن ارحيمەد مۇحامبەتوۆ وبلىس تۇرعىندارىن ۋاقتىلى ەكپە جاساتىپ الۋعا ۇندەدى.

وبلىستىڭ باس سانيتار دارىگەرى ەرمۇحان­بەت داۋلەتباەۆتىڭ ايتۋىنشا, قوستانايداعى ينفەكتسيالىق اۋرپۋحانادا ەمدەلىپ جاتقان ناۋقاستاردىڭ كوبى ۆاكتسينا سالدىرماعان.

– سوڭعى اپتا ىشىن­دە ايماقتا ىندەتكە شالدىق­قاندار سانى كۇرت ءوسىپ, COVID-19 جۇقتىرۋ كورسەت­كىشى كۇنىنە 53-تەن 141-گە دەيىن جەتتى. بۇگىندە وبلىستا ورنالاسقان 22 ستاتسيو­نارداعى ورىنداردىڭ 44%-ى­ تولدى. قازىر جانساقتاۋ بولى­مىندەگى 100 توسەكتىڭ 34-ىندە ناۋقاستار جاتىر. 22 ناۋقاستىڭ جاعدايى اۋىر. ناۋقاستاردىڭ كوبى – 60-70 جاس ارالىعىنداعى ادامدار. اۋىر ناۋقاستاردىڭ ەشقايسىسى ۆاكتسينا قابىل­داماعان. الايدا ەكپە سال­دىرعان ادامدار دا اۋىرىپ قالۋى مۇمكىن. مۇنداي ناۋقاستار شامامەن 0,7% بولادى, – دەدى ە.داۋلەتباەۆ.

قوستاناي وبلىسىندا 3 ساۋىردەن بەرى 18 547 ادام ىندەت جۇقتىرىپ, 17 014 ناۋقاس ەمدەلىپ شىققان.

قوستاناي وبلىسى