اتىراۋعا «سپۋتنيك V» ۆاكتسيناسىنىڭ II كومپونەنتىنە ارنالعان 10 مىڭ دوزا جەتكىزىلدى, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, ۆاكتسينا دوزالارى اقتوبە قالاسىنداعى فارماتسەۆتيكالىق حابتان جەتكىزىلگەن.
«وڭىردە بۇگىنگە دەيىن كوروناۆيرۋس ينفەكتسياسىنا قارسى ۆاكتسينالاردىڭ ءى كومپونەنتىن 131 737 ادام ەكتىردى. ۆاكتسينالاردىڭ II كومپونەنتىن 77 109 ادام سالدىردى. قازىر وڭىردە 41 ۆاكتسينالاۋ بەكەتى جۇمىس ىستەپ تۇر. ونىڭ ىشىندە جىلجىمالى 10 بەكەت بار. اتىراۋعا جەتكىزىلگەن رەسەيلىك «سپۋتنيك V» ۆاكتسيناسى II كومپونەنتىنىڭ 10 مىڭ دوزاسىن بارلىق ۆاكتسينالاۋ بەكەتىنە تاراتۋ جۇرگىزىلىپ جاتىر», دەپ حابارلادى باسقارمانىڭ ءباسپاسوز قىزمەتىنەن.