قازاقستاندىقتار الەۋمەتتىك جەلىدە قىزىلوردادا «پەدوفيل ۇستالدى» دەگەن تاقىرىپپەن تۇسىرىلگەن ۆيدەونى تاراتىپ جاتىر, دەپ حابارلايدى Egemen.kz.
قىزىلوردا وبلىسىنىڭ پوليتسيا دەپارتامەنتى اتالعان فاكتى بويىنشا قىلمىستىق كودەكستىڭ 124-بابى 1-بولىگى - «كامەلەتكە تولماعانداردى جابىرلەۋ» بويىنشا سوتقا دەيىنگى تەرگەۋ امالدارى جۇرگىزىلىپ جاتقانىن حابارلادى.
«قىلمىستىق قۇقىق بۇزۋشىلىقتى جاسادى دەپ كۇدىككە ىلىنگەن ادام انىقتالدى. قازىرگى ۋاقىتتا ءىستىڭ ناقتى ءمان-جايلارىن انىقتاۋ ءۇشىن تەرگەۋ-جەدەل ءىس-شارالار كەشەنى جۇرگىزىلىپ جاتىر», دەپ حابارلادى پوليتسيا.
تەرگەۋ مۇددەسىنە سايكەس سوتقا دەيىنگى تەرگەۋ تۋرالى اقپارات جاريا ەتۋگە جاتپايدى.
«سوتقا دەيىنگى تەرگەۋدىڭ بارىسى پوليتسيا باسقارماسى باستىعىنىڭ باقىلاۋىندا», دەپ قورىتىندىلادى ءتارتىپ ساقشىلارى.
ەستەرىڭىزدە بولسا, 21 شىلدە كۇنى 5 جاسار قىزدى قورلاماق بولعان ەر ادامنىڭ ارەكەتى جايىندا حابارلاعان ەدىك.