اتىراۋدا 9 جىلدان بەرى توقتاپ تۇرعان كونتسەرت زالىنىڭ قۇرىلىسى قايتا جاندانباق. الايدا ونى الداعى ۋاقىتتا ساۋدا ورتالىعىنا اينالدىرۋ جوسپارلانعان, دەپ حابارلايدى Egemen.kz.
اتىراۋ وبلىستىق قۇرىلىس باسقارماسى باسشىسىنىڭ مىندەتىن اتقارۋشى زاينوللا مانەنوۆتىڭ ايتۋىنشا, 2012 جىلدان بەرى قۇرىلىسى توقتاعان كونتسەرت زالى مەن مونشا-ساۋىقتىرۋ كەشەنىن «اتىراۋ» الەۋمەتتىك-كاسىپكەرلىك كورپوراتسياسى» اق-نىڭ بالانسىنا بەرۋ ءراسىمى قولعا الىنعان.
«الداعى ۋاقىتتا كونتسەرت زالى ساۋدا-ويىن-ساۋىق ورتالىعى رەتىندە قايتا جاڭعىرتىلادى. ينۆەستور جوبانىڭ قۇنى مەن تەحنيكالىق پارامەترلەرىن ەسەپتەيدى. ال, ساۋىقتىرۋ-مونشا كەشەنىنىڭ باستاپقى ماقساتىن وزگەرتۋ ينۆەستورمەن كەلىسىلگەننەن كەيىن بەلگىلى بولادى», دەيدى زاينوللا مانەنوۆ.
وبلىس اكىمىنىڭ ورىنباسارى قايرات بەكەنوۆتىڭ مالىمەتىنە سۇيەنسەك, بۇل نىسانداردىڭ قۇرىلىسىن جالعاستىرۋ ءۇشىن بيۋدجەتتەن قارجى بولىنبەيدى. بۇعان «اتىراۋ» اكك» اق ارقىلى ينۆەستورلاردىڭ قارجىسى تارتىلماق.