اتىراۋدا جايىق وزەنىنە سۋعا تۇسكەن 15 جاسار ءجاسوسپىرىم ءجانتاسىلىم ەتتى, دەپ حابارلايدى Egemen.kz.
وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, وقىس وقيعا 18 شىلدەدە بولعان.
«كەشە ساعات 20:15 شاماسىندا 2006 جىلى تۋعان ءجاسوسپىرىم «اتىراۋ» دەنە شىنىقتىرۋ-ساۋىقتىرۋ كەشەنى تۇسىنداعى جاعاجايدا جايىق وزەنىنە سۋعا تۇسكەن. الايدا, ءجاسوسپىرىم وزەننەن قايتا شىقپاي قالعان. جەدەل-قۇتقارۋ جاساعىنىڭ قۇتقارۋشىلارى ساعات 20:31-دە جايىققا باتقان بالانىڭ دەنەسىن سۋدان شىعاردى», دەپ ءمالىم ەتتى دەپارتامەنتتىڭ ءباسپاسوز قىزمەتى.