باعدات مۋسين قوستاناي وبلىسىنا جۇمىس ساپارىمەن باردى

قوستانايدىڭ №1 حالىققا قىزمەت كورسەتۋ بولىمىنە باس سۇققان باعدات مۋسين حقو-لاردا ەپيدەمياعا قارسى شارالاردىڭ قاتاڭ ساقتالۋ كەرەكتىگىن ەسكەرتتى.

«تۇرعىندار تەك الدىن الا برونداۋ بويىنشا قابىلدانۋى ءتيىس. ءاربىر كەلۋشىنىڭ مارتەبەسى«Ashyq» جۇيەسى ارقىلى مىندەتتى تۇردە راستالۋى قاجەت. الەۋمەتتىك قاشىقتىقتى ساقتاۋ اسا ماڭىزدى جانە مىندەتتى تۇردە انتيسەپتيك قۇرالدارى ءبولۋىتيىس. حقو-عا كەلەتىندەردىڭ كوپشىلىگى ءوز-وزىنە قىزمەت كورسەتۋ سەكتورىنا بارادى. بۇل سەكتورداعى ءاربىر ۇستەلگە انتيسەپتيك قۇتىلارىن قويۋدى ۇسىنامىن. بۇل بۇكىل سەكتورعا قويىلاتىن ۇلكەن دەزينفەكتسيالىق قۇرالعا قاراعاندا الدەقايدا ىڭعايلى. ماسەلەن, ادام كومپيۋتەردە جۇمىس ىستەدى دەلىك, ول كەتكەن سوڭ, كەلەسى ادام كەلەدى. ول قولى مەن پەرنەتاقتانى انتيسەپتيكپەن وڭدەپ, جۇمىسىن ىستەي بەرەدى. بۇل دا قورعانىش شاراسى», دەدى مينيستر.

سونداي-اق, باعدات مۋسين قازىر قوستانايداعى №1 حالىققا قىزمەت كورسەتۋ بولىمىنە كەلۋشىلەردىڭ كوپ ەكەنىن, سوندىقتان قىزمەت كورسەتۋ ساپاسىن جاقسارتۋ, سونداي-اق ۇزىن-سونار كەزەكتىڭ تۋىنداۋىنا جول بەرمەۋ ءۇشىن حقو-عا جاڭا عيمارات تابۋ كەرەك دەگەن ۇسىنىس ايتتى.

مينيستر ازاماتتاردىڭ ەلەكتروندىق وتىنىشتەرىن قابىلداۋ جانە مەملەكەتتىك ورگاندارعا جىبەرۋ الگوريتمىمەن تانىسىپ, ءوتىنىشتى جىبەرۋ مۇمكىندىگىن جەكە تەكسەردى.

«جاڭا اكىمشىلىك كودەكسكە سايكەس, ازامات 15 كۇن ىشىندە وتىنىشكە جاۋاپ الاتىنىن بىلەمىز. مەن قوستاناي اكىمدىگىنە ءوتىنىش جىبەرىپ كورىپ, جۇيەنى جەتىلدىرۋدى قاجەت ەتەتىن كەيبىر تۇستاردى انىقتادىم. ەگەر ازامات پورتال ارقىلى حابارلاما جىبەرگەن بولسا, وندا جاۋاپ جەكە كابينەتكە تۇسەدى. ال اكىمدىك نەمەسە حقو ارقىلى جولدانعان وتىنىشكە جاۋاپ الۋ ءۇشىن سول جەرگە قايتا بارۋ كەرەك. بۇل تۇرعىندار ءۇشىن قولايسىز. سوندىقتان ۇيالى تەلەفون ارقىلى جاۋاپقا قول جەتكىزۋ مۇمكىندىگىن قاراستىرۋ كەرەك. بۇل وتە ىڭعايلى. ماسەلەن, تۇرعىنداردىڭ ءبىرى حقو-دا ءوتىنىش جاساپ, 15 كۇننەن كەيىن باسقا قالاعا كەتىپ قالدى دەلىك. ال حقو وعان جاۋاپتى SMS-حابارلاما ارقىلى جىبەرە قويادى. جاڭا فۋنكتسيانى ەنگىزۋ كەزىندە ءبىز قانداي دا ءبىر مەملەكەتتىك ورگاندا ءوتىنىشتىڭ قارالۋ كەزەڭىن قىسقارتىپ قانا قويمايمىز, سونىمەن قاتار سول جاۋاپقا قاي تۇپكىردە جۇرسەك تە قول جەتكىزۋ مۇمكىندىگىنە يە  بولامىز», دەدى باعدات مۋسين.

ەستەرىڭىزگە سالا كەتەيىك, 1 شىلدەدە قازاقستاندا وتىنىشتەردىڭ قارالۋىن باقىلايتىن e-Otinishەلەكتروندىق جۇيەسى ەنگىزىلدى. E-Otinish ەلەكتروندىق وتىنىشتەر جۇيەسىنىڭ باس وپەراتورى – «ازاماتتارعا ارنالعان ۇكىمەت» مەملەكەتتىك كورپوراتسياسى, جۇيەنى ازىرلەۋشى – BTS Didgital. وتىنىشتەردى بىرنەشە تاسىلمەن بەرۋگە بولادى: egov.kz ەلەكتروندىق ۇكىمەت پورتالى, مەملەكەتتىك ورگاندار, اكىمدىكتەر جانە حقو ارقىلى. حقو-لاردا بۇل ءۇشىن وتىنىشتەردى قابىلدايتىن ارنايى پۋنكتتەر جۇمىس ىستەيدى. مۇنداعى مامانداردىڭ ايتۋىنشا, 1 شىلدەدەن بەرى قوستاناي وبلىسىنىڭ حقو-لارى ارقىلى 5 ءوتىنىش كەلىپ تۇسكەن.