وبلىستىق تۇتىنۋشىلاردىڭ قۇقىقتارىن قورعاۋ دەپارتامەنتىنىڭ باسشىسى الەم ۋاليەۆتىڭ ايتۋىنشا, اتىراۋلىق تۇتىنۋشىلاردان 237 ارىز تۇسكەن. ونىڭ ىشىندە 137 ارىزدانۋشىعا ءتۇسىندىرۋ جۇمىسى جۇرگىزىلگەن, دەپ حابارلايدى Egemen.kz.
«تۇتىنۋشىلاردىڭ 72 ارىزىنا جاۋاپ بەرىلىپ, 2 210 343 تەڭگەسى قايتارىلىپ بەرىلدى. ال, 23 ارىزدا قوزعالعان ماسەلە دەپارتامەنتتىڭ قىزمەتىنە قاتىستى بولماعاندىقتان, ءتيىستى ورگاندارعا جولداندى», دەيدى الەم ۋاليەۆ.
ونىڭ مالىمەتىنە قاراعاندا, جىل باسىنان بەرى 117 تۇتىنۋشى تىكەلەي جانە بايلانىس تەلەفونى ارقىلى كونسۋلتاتيۆتىك كەڭەس العان. سونداي-اق e-tutynushy.kz سەرۆيستىك پلاتفورماسىنا تۇسكەن 12 ارىزدىڭ جەتەۋىنىڭ يەسىنە ءتۇسىندىرۋ جۇمىسى جۇرگىزىلگەن. ال, 5 ارىز يەسىنىڭ تالابى قاناعاتتاندىرىلعان.