سينوپتيكتەر 16 ماۋسىمعا ارنالعان اۋا رايى بولجامىن جاريالادى, دەپ حابارلايدى Egemen.kz.
«تسيكلون جىراسى جانە ونىمەن بايلانىستى اتموسفەرالىق فرونتالدى بولىكتەردىڭ اسەرىنەن قازاقستان اۋماعىنىڭ باسىم بولىگىندە تۇراقسىز اۋا رايى ساقتالادى – جاڭبىر جاۋادى, نايزاعاي مەن بۇرشاق جاۋادى, تەك ەلىمىزدىڭ وڭتۇستىك جانە باتىسىندا جاۋىن-شاشىنسىز اۋا رايى بولادى. كەي جەرلەردە جەل كۇشەيەدى, وڭتۇستىكتە شاڭدى داۋىل سوعادى, سولتۇستىكتە تۇندە – تۇمان», دەلىنگەن حابارلامادا.
اقمولا, پاۆلودار وبلىستارىنىڭ كەي جەرلەرىندە تۇندە تۇمان, اقمولا وبلىسىندا, كۇندىز پاۆلودار وبلىسىندا جەل 15-20 م/س كۇشەيەدى.
الماتى, جامبىل, باتىس قازاقستان, سولتۇستىك قازاقستان وبلىستارىندا بۇرشاق جاۋادى, جەل 15-25 م/س كۇشەيىپ, جامبىل وبلىسىندا شاڭدى داۋىل سوعادى.
تۇركىستان, شىعىس قازاقستان وبلىستارىندا, كۇندىز قىزىلوردا, قوستاناي, قاراعاندى وبلىستارىندا 15-20 م/س دەيىن جەل كۇشەيەدى, تۇركىستان, قىزىلوردا وبلىستارىندا شاڭدى داۋىل بولادى.
كۇندىز اتىراۋ وبلىسىندا قاتتى ىستىق بولادى.
قىزىلوردا, تۇركىستان, ماڭعىستاۋ وبلىستارىنىڭ باسىم بولىگىندە, اتىراۋ, باتىس قازاقستان, جامبىل, الماتى, اقتوبە, قوستاناي, قاراعاندى وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.