قازاقستان مۇسىلماندارى ءدىني باسقارماسىنا قاراستى كوپتەگەن يمامدار ۆاكتسينا العاشقى شىققان ساتتەن باستاپ ەكپە سالدىردى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە قمدب توراعاسى, باس ءمۇفتي ناۋرىزباي قاجى تاعان ۇلى حابارلادى, دەپ جازادى Egemen.kz.
«شاريعات ۆاكتسيناتسياعا قارسى ەمەس. ۆاكتسينانى ەرىكتى تۇردە كەز كەلگەن ادام الا الادى. اللا تاعالا قاسيەتتى قۇراندا ء«وز قولدارىڭىزبەن ءوز جاندارىڭا, دەنساۋلىقتارىڭىزعا زيان تيگىزبەڭدەر» دەيدى. قازىرگى كەزدە كوپتەگەن ءدىن قىزمەتكەرلەرى, يمامدار ۆاكتسينا الدى. ال ورتالىق اپپاراتقا, قمدب-عا كەلسەك, قىزمەتكەرلەردىڭ 90 پايىزعا جۋىعى ەگىلدى. شاريعات ەل اماندىعى ءۇشىن, ادامنىڭ اماندىعى ءۇشىن سوعان ۇندەيدى, ناسيحاتتايدى», دەدى ناۋرىزباي قاجى.