قازىنالى ءوڭىردىڭ مۇنايشىلارى بيىلعى ءبىرىنشى جارتىجىلدىقتا 23,4 ملن توننا مۇناي ءوندىردى, دەپ حابارلايدى Egemen.kz.
وبلىستىق كاسىپكەرلىك جانە يندۋستريالدى-يننوۆايالىق دامۋ باسقارماسى باسشىسىنىڭ مىندەتىن اتقارۋشى قانىش مامبەتوۆتىڭ مالىمەتىنە سۇيەنسەك, بۇل وتكەن جىلدىڭ وسى كەزەڭىندەگى كورسەتكىشتىڭ 99,8%-ىن قۇراعان.
«مۇنايلى وڭىردەگى ەڭ ءىرى جوبا – تەڭىز كەن ورنىندا 13,5 ملن توننا «قارا التىن» ءوندىرىلدى. كاسپي تەڭىزىنىڭ قازاقستاندىق سەكتورىن يگەرىپ جاتقان NCOC كومپانياسى وندىرگەن مۇناي كولەمى – 7,4 ملن توننا. ال, «ەمبىمۇنايگاز» اق 1,2 ملن توننا مۇناي وندىرۋگە قول جەتكىزدى», دەيدى قانىش مامبەتوۆ.
ونىڭ ايتۋىنشا, اتىراۋ مۇناي وڭدەۋ زاۋىتىندا قاڭتار-ماۋسىم ايلارىندا 2589,7 مىڭ توننا شيكىزاتتىق «قارا التىن» وڭدەۋ جوسپارلانعان. الايدا, جىل باسىنان بەرگى 6 ايدا اتالعان زاۋىتتا 2 586,7 مىڭ توننا مۇناي وڭدەلدى. وسىلايشا, جوسپار 98,2%-عا ورىندالىپ وتىر.