الماتىدا كاماز موپەد ايداعان ادامدى قاعىپ كەتتى, دەپ حابارلايدى Egemen.kz.
الماتى پوليتسيا دەپارتامەنتىنىڭ مالىمەتىنشە, جول اپاتى 14 شىلدە كۇنى ساعات 17:00 شاماسىندا الاتاۋ اۋدانىندا بولعان.
60 جاستاعى كاماز كولىگىنىڭ جۇرگىزۋشىسى رايىمبەك داڭعىلىمەن باتىس باعىتتا كەلە جاتىپ, سول باعىتتا ءجۇرىپ كەلە جاتقان موپەدپەن سوقتىعىستى.
«اپات سالدارىنان موپەد جۇرگىزۋشىسى ا. ەسىمدى ازامات العان جاراقاتتارىنان وقيعا ورنىندا كوز جۇمدى», دەيدى الماتى قالاسى ءىىد تەرگەۋ باسقارماسىنىڭ باستىعى, پوليتسيا پودپولكوۆنيگى ولجاس ءشارىپوۆ.
اتالعان فاكتى سوتقا دەيىنگى تەرگەۋدىڭ بىرىڭعاي تىزىلىمىندە قازاقستان رەسپۋبليكاسى قىلمىستىق كودەكسىنىڭ 345-بابى 3-ءبولىمى بويىنشا تىركەلدى. تەرگەۋ باستالدى.