2020 جىلى كوروناۆيرۋس پاندەمياسى سالدارىنان الەمدە اشتىق ماسەلەسى كۇرت ءوستى. بۇل تۋرالى بۇۇ ازىق-ت ۇلىك جانە اۋىل شارۋاشىلىعى ۇيىمى مالىمدەدى, دەپ حابارلايدى Egemen.kz.
حالىقارالىق اۋىل شارۋاشىلىعىن دامىتۋ قورى, يۋنيسەف, دۇنيەجۇزىلىك ازىق-ت ۇلىك باعدارلاماسى, سونداي-اق دۇنيەجۇزىلىك دەنساۋلىق ساقتاۋ ۇيىمى ازىرلەگەن باياندامادا وتكەن جىلى اشتىق سالدارىنان 811 ميلليونعا دەيىن ادام زارداپ شەككەندىگى جازىلعان.
«2020 جىلى الەمدە اشتىق پروبلەماسى بىردەن ءوستى. بۇعان باستى سەبەپ COVID-19 پاندەمياسى بولىپ وتىر», دەلىنگەن ۇيىمنىڭ سايتىندا.
اشتىققا ۇشىراعانداردىڭ باسىم كوپشىلىگى – ازيا حالقى. ولاردىڭ ۇلەس سالماعى 418 ميلليون ادامدى قۇراپ وتىر. ال افريكا مەملەكەتتەرىندە 282 ميلليون حالىق اشتىققا ۇشىراعان. لاتىن امەريكاسى مەن كاريب باسسەينى ايماعىنداعى مەملەكەتتەردە دە ۇقساس جاعداي. اتالعان مەملەكەتتەردەگى اشىققاندار سانى 60 ميلليون ادامعا تەڭ.
افريكادا اشتىقتىڭ بىردەن ءوسىپ كەتۋى الاڭداتارلىق ماسەلە. ونداعى اشتىققا ۇشىراعاندار سانى حالىقتىڭ 21%-ىنا تيەسىلى. بۇل الەمنىڭ كەز كەلگەن ايماعىنا قاراعاندا ەكى ەسە كوپ.
شىلدەدە بۇۇ قامقورلىعىمەن ريمدە جاھاندىق ازىق-ت ۇلىك جۇيەلەرى بويىنشا سامميتكە دايىندىق باستالادى. ونىڭ قاتىسۋشىلارى اشتىقپەن كۇرەس, كليماتتىڭ وزگەرۋى, تەڭسىزدىك جانە قاقتىعىستاردى شەشۋ جولدارىن تالقىلايتىن بولادى.