جەردەگى ەڭ جوعارى تەمپەراتۋرا كاليفورنياداعى ءولىم القابىندا تىركەلدى, دەپ حابارلايدى Egemen.kz.
جەر شارىنىڭ وسى نۇكتەسىندە تەرمومەتر باعانالارى 11 شىلدەدە +54 گرادۋسقا دەيىن (فارەنگەيت 130 گرادۋس) كوتەرىلگەن. ەگەر بۇل كورسەتكىش راستالسا, جەر بەتىندە تىركەلگەن ەڭ رەكورد كورسەتكىش بولادى.
ۇلتتىق مەتەورولوگيالىق قىزمەت سەنبىدە تەمپەراتۋرا 130 گرادۋسقا دەيىن كوتەرىلگەنىن تىركەگەن. رەيندجەردە جەكسەنبىدە تۇستەن كەيىن تروتۋار تەمپەراتۋراسى 178 گرادۋس فارەنگەيت دەڭگەيىندە ولشەگەن.
ەلدىڭ سولتۇستىك-باتىسىنىڭ كوپ بولىگىندە اپتاپ ىستىق سالدارىنان ەلەكتر جەلىسىنە قىسىم ءتۇسىپ, ءىرى ورمان ورتتەرىن تۋدىرعان.
جەرگىلىكتى تۇرعىندار بيلىكتەن ەۆاكۋاتسيا تۋرالى نۇسقاۋ العان. كلامات وكرۋگىنىڭ شەريف دەپارتامەنتى بۇل اۋداندارعا ادامداردىڭ كىرۋىنە جول بەرمەۋ ءۇشىن قاماۋعا الۋ شارالارى قاراستىرىلعانىن ەسكەرتتى.