اتىراۋدا جىل باسىنان بەرى 1 723 ادام قوعامدىق ورىندا ماس جۇرگەنى ءۇشىن جاۋاپكەرشىلىككە تارتىلعان, دەپ حابارلايدى Egemen.kz.
«ماسەلەن, 9 شىلدەدە ساعات 02:08 شاماسىندا 102 وپەراتورىنا اتىراۋ قالاسىنداعى س.داتوۆ كوشەسىندە ورنالاسقان بالالار الاڭىندا ەر ادامداردىڭ ىشىمدىك ءىشىپ وتىرعانى تۋرالى حابار ءتۇستى. پاترۋلدىك پوليتسيا قىزمەتكەرلەرى سول جەردە ىشىمدىك ىشكەن 4 ەر ادامدى مەديتسينالىق كۋالاندىرۋ ورتالىعىنا جەتكىزدى. ساراپتامانىڭ قورىتىندىسىمەن 24, 25, 26 جاستاعى جىگىتتەردىڭ ورتا دارەجەدەگى ماس كۇيدە بولعانى انىقتالدى», دەپ حابارلادى دەپارتامەنتتىڭ ءباسپاسوز قىزمەتى.
الكوگولدىك ىشىمدىك ىشكەندەرگە قر اكىمشىلىك قۇقىقبۇزۋشىلىق تۋرالى كودەكسىنىڭ 440-بابىنىڭ 1-بولىمىمەن (الكوگولدىك ىشىمدىكتەردى iشۋ نەمەسە قوعامدىق ورىندارعا ماساڭ كۇيدە كەلۋ) اكىمشىلىك حاتتامالار تولتىرىلىپ, ارقايسىسىنا 7 292 تەڭگە كولەمىندە ايىپپۇلسالىندى.