سوڭعى ءۇش كۇندە قاۋىپتى ۆيرۋستى 570 اتىراۋلىق جۇقتىرعان, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ اقپاراتىنا قاراعاندا, 8 شىلدەدە 154, 9 شىلدەدە 160, ال كەشە, 10 شىلدەدە 256 ادام كوروناۆيۋس ينفەكتسياسىنا شالدىققان.
«سوڭعى تاۋلىكتە – 10 شىلدەدە اتىراۋ قالاسىندا قاۋىپتى ۆيرۋستى جۇقتىرۋدىڭ 201 جاعدايى تىركەلدى. تەڭىز كەن ورنىندا 12, قىزىلقوعا اۋدانىندا 13, يندەردە – 12, جىلىويدا – 8, ماحامبەتتە – 6, قۇرمانعازى اۋدانىندا 4 ادامنان كوروناۆيرۋس ينفەكتسياسىنىڭ بەلگىسى تابىلىپ وتىر», دەپ حابارلادى باسقارمانىڭ ءباسپاسوز قىزمەتى.
قازىر وڭىردەگى ينفەكتسيالىق ستاتسيونارلاردا 771 ناۋقاس ەمدەلىپ جاتىر. ونىڭ ىشىندە مودۋلدىك اۋرۋحانادا 186, اۋداندارداعى ستاتسيونارلاردا 180, №2 وبلىستىق اۋرۋحانادا 148, كارديولوگيالىق ورتالىقتا 100 پاتسيەنت بار.
سونداي-اق, فتيزيوپۋلمانولوگيالىق ورتالىقتا 96, تەڭىز كەنىشىندەگى ينفەكتسيالىق ستاتسيوناردا 61 ناۋقاس وقشاۋلانعان. ال, ءۇي جاعدايىندا 708 ادام ەم الۋدى جالعاستىرۋدا.