8 شىلدەدە قوستاناي وبلىسىنداعى «قايراق» بەكەتىندە رەسەيگە 7 التىن قۇيماسىن الىپ وتپەك بولعان قر ازاماتشاسى ۇستالدى, دەپ حابارلايدى Egemen.kz
شەكاراشىلار بارلىعى 325 گرامم بولاتىن زاڭسىز تاۋاردى «راپيسكان» رەنتگەن-تەلەۆيزيالىق اپپاراتىارقىلى انىقتاعان. ۇستالعان ايەل قوراپتىڭ ىشىندە نە بار ەكەنىن بىلمەگەنىن, شەكارادان كەزدەيسوق تانىسىنىڭ ءوتىنىشى بويىنشا الىپ وتۋگە كەلىسىم بەرگەنىن ايتادى. كونتراباندالىق جۇككە قاتىستى ءىس ماتەريالدارى ءمان-جايدى انىقتاۋ ءۇشىن قوستاناي وبلىسىنىڭ ەكونوميكالىق تەرگەۋ دەپارتامەنتىنە جىبەرىلدى.
ءدال وسى كۇنى اتالمىش بەكەتتە «مايا» اتتى شەكاراشى ءيتتىڭ كومەگىمەن جالپى سالماعى 15 گرامم بولاتىن ەسىرتكى زاتىن جاسىرىن الىپ وتپەك بولعان قر ازاماتى ۇستالدى. بۇل ازامات قارابالىق اۋدانىنىڭ پوليتسيا بولىمىنە تاپسىرىلدى.
«شەكاراشىلار شەتەلگە ساپارعا شىققان ازاماتتارعا بەيتانىس ادامداردىڭ ىشىندە بەلگىسىز زاتتارى بار جۇكتەر مەن سالەمدەمەلەردى شەكارادان الىپ ءوتۋ تۋرالى وتىنىشىنە قۇلاق اسپاۋدى ەسكەرتەدى. زاڭمەن تىيىم سالىنعان نەمەسە شەكتەۋ قويىلعان زاتتاردى شەكارا ارقىلى تاسىمالداۋدان باس تارتۋدى ۇسىنامىز» دەپ مالىمدەدى ۇقك ءباسپاسوز قىزمەتى.
قوستاناي وبلىسى