بۇل تۋرالى اتىراۋ وبلىسىنىڭ اكىمى ماحامبەت دوسمۇحامبەتوۆپەن كەزدەسۋدە نيدەرلاندى كورولدىگىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى اندرە كارستەنس ءمالىم ەتتى, دەپ حابارلايدى Egemen.kz.
وبلىس اكىمى ماحامبەت دوسمۇحامبەتوۆتىڭ ايتۋىنشا, اتىراۋ وبلىسىمەن سىرتقى ەكونوميكالىق بايلانىس ورناتقان ەلدەردىڭ قاتارىندا نيدەرلاندى كورولدىگى دە بار.
«بيىلعى قاڭتار-مامىر ايلارىندا اتىراۋ وبلىسىنىڭ نيدەرلاندى ەلىمەن ساۋدا اينالىمى 1,28 ملرد اقش دوللارىن قۇرادى. اتالعان ەلدىڭ 12 كومپانياسى وڭىردە مۇناي-گاز ءوندىرۋدى تەحنيكالىق قولداۋ, ينجەنەرلىك قۇرىلعىلار قۇرىلىسى, قۇبىر ارقىلى تاسىمالداۋ, جۇك تاسىمالى سەكىلدى سالالاردا بەلسەندى قىزمەت ەتۋدە. وڭىر ەكونوميكاسىنا نيدەرلاندىلىق ينۆەستيتسيانى تارتۋعا, بىرلەسكەن كاسىپورىندار قۇرۋعا مۇمكىندىك مول. اسىرەسە, ونەركاسىپ, مۇناي حيمياسى, اۋىل شارۋاشىلىعى سالالارىندا ەكىجاقتى قارىم-قاتىناستى قارقىندىدامىتۋعا بولادى», دەدى ماحامبەت دوسمۇحامبەتوۆ.
نيدەرلاندى كورولدىگىنىڭ توتەنشە جانە وكىلەتتى ەلشى اندرە كارستەنس اتىراۋ قالاسىندا قۇرمەتتى كونسۋلدىق اشۋ تۋرالى ۇسىنىس ءبىلدىردى. بۇل ۇسىنىس وبلىس اكىمى ماحامبەت دوسمۇحامبەتوۆتىڭ تاراپىنان قولداۋ تاپتى.