اتىراۋ وبلىسىنداعى اقجايىق اۋىلىندا 1,4 ملرد تەڭگەنى قۇرايتىن جىلىجاي سالىنىپ جاتىر, دەپ حابارلايدى Egemen.kz.
اقجايىق اۋىلى – ماحامبەت اۋدانىندا ورنالاسقان وكرۋگتىڭ ءبىرى. جايىق وزەنىنىڭ جاعاسىنداعى ءىرى ەلدى مەكەندەگى شارۋاشىلىعى قانات جايعان. قازىر مۇندا 4 گەكتار اۋماقتا ءىرى جىلىجاي قۇرىلىسى قولعا الىنىپتى.
«جۇماعاليەۆا ن» شارۋا قوجالىعىنىڭ جەتەكشىسى وسپان الماستىڭ ايتۋىنشا, جوبانىڭ قۇنى 1,4 ملرد تەڭگەنى قۇرايدى. جىلىجايدى ءتورتىنشى توقساندا ىسكە قوسۋ جوسپارلانىپ وتىر.
«قۇرىلىس الاڭىندا 14 ادام جۇمىس ىستەيدى. قازىر جىلىجاي نىسانىنىڭ قابىرعاسى قۇراستىرىلا باستادى. ەلەكتر جانە گاز جەلىسى تارتىلدى. بۇل جىلىجاي ىسكە قوسىلعاندا 350 ادامدى جۇمىسپەن قامتۋدى جوسپارلاپ وتىرمىز. مۇندا جىلىنا 350 توننا قيار, قىزاناق سىندى كوكونىس ونىمدەرى وسىرىلەدى», دەيدى وسپان الماس.
جىلىجاي قۇرىلىسىمەن تانىسقان وبلىس اكىمى ماحامبەت دوسمۇحامبەتوۆ ازىق-ت ۇلىك بەلدەۋىن قۇرۋ ءۇشىن مۇنداي جوبالاردىڭ قاجەتتىگىنە توقتالدى.
«مەملەكەت تاراپىنان اۋىل شارۋاشىلىعى سالاسىن دامىتۋعا بارىنشا قولداۋ كورسەتىلىپ وتىر. ءوڭىر تۇرعىندارىنا ساپالى ءارى ارزان كوكونىس ونىمدەرىن ۇسىنۋدى كوزدەيتىن بۇل جىلىجايدا دا جۇمىس ورىندارى اشىلادى. جىلىجاي ونىمدەرى جەرگىلىكتى نارىقتاعى باعانىڭ تۇراقتى بولۋىنا ىقپال ەتەدى. سوندىقتان, وسىنداي جوبالاردى كوبىرەك ىسكە قوسۋ قاجەت», دەدى ماحامبەت دوسمۇحامبەتوۆ.