اۋىلدى وركەندەتۋگە ۇلەس قوسادى

بۇدان ەكى-ءۇش اي بۇرىن “نۇر وتان”حدپ اقتوبە وبلىستىق فيليالى “جاس وتان” جاستار قا­نا­تىنىڭ بەلسەندى مۇشەلەرى  ەلى­مىزدە ءبىرىنشى رەت “اۋىلدىڭ ور­كەن­دەۋى – قازاقستاننىڭ وركەن­دەۋى” مارافون-ەستافەتاسىن وت­كى­زۋگە باستاما كوتەرگەن بولاتىن.

بۇل باعالى باستاما “نۇر وتان” حدپ  وبلىستىق فيليالى, وبلىس باس­شى­لىعى, وبلىستىق ىشكى ساياسات باس­قارماسى تاراپىنان قولداۋ تاۋىپ, ۇيىمداستىرۋ جۇمىستارى باستالىپ كەتكەن-ءدى. وبلىس اكىمدىگىندە ستۋ­دەنتتىك قۇرىلىس جانە “جاسىل ەل”  جاساقتارىنا, وقۋشى جاستاردىڭ “اۋىلدىڭ وركەندەۋى قازاقستان­نىڭ وركەندەۋى” مارافون-ەستافە­تا­سىنا قاتىسۋشىلاردىڭ وبلىس­تىق سلەتى وتكىزىلدى. سلەتكە  وبلىس باسشىلارى, اقتوبە قالالىق جانە اۋداندىق شتابتاردىڭ باستىقتارى, “نۇر وتان” “جاس وتان” جاستار قا­ناتىنىڭ مۇشەلەرى, مارافون-ەستافەتاعا  قاتىساتىن وقۋشى جاستار, ستۋدەنتتىك قۇرىلىس جانە “جاسىل ەل” جاساقتارىنىڭ كومان­ديرلەرى, قۇرىلىس مەكەمەلەرىنىڭ باسشىلارى, ۇكىمەتتىك ەمەس ۇيىم­دار, ساياسي پارتيالار مەن اردا­گەر­لەر ۇيىمدارىنىڭ, اتا-انالار قاۋىمداستىعىنىڭ وكىلدەرى قاتىس­تى. ولاردىڭ اراسىندا 300 جاساق­تىڭ كومانديرلەرى بار. ولار وسى ما­رافون-ەستافەتاعا قاتىسۋشى­لار­دىڭ جۇمىسىن ۇيىمداستىرادى, اتقارىلاتىن شارۋالارعا مۇرىن­دىق بولادى. سلەتتى كىرىسپە ءسوز سويلەپ اشقان وبلىس اكىمىنىڭ ورىنباسارى سارا نۇرقاتوۆا بۇل اكتسياعا وبلىس بويىنشا 50 مىڭ جاس قاتىساتى­نىن, مۇنداي باعالى باستامانىڭ جاستاردىڭ بويىندا ەڭبەكقورلىق قابىلەتتى قالىپتاستىرىپ قانا قوي­ماي, وتانسۇيگىشتىك, ەلجاندى­لىق قاسيەتتى دە ورنىقتىراتىنىن جەتكىزدى. ەلدى مەكەندەردى كوگال­دان­دى­رۋ, كورىكتەندىرۋ جۇمىستارى باستالعانىن, العاشقى كۇندەرى ءار وتباسى ءوز ءۇيىنىڭ ماڭىنا اتا-اجە­سى, اتا-اناسى, بالالارى-نەمەرەلەرى ءۇشىن ءۇش ءتۇپ كوشەتتەن وتىرعىزۋعا ۇيىتقى بولۋى قاجەتتىگىن ايتتى. سوندا وبلىس بويىنشا 300 مىڭ ءتۇپ كوشەت وتىرعىزىلادى ەكەن. سلەتتە وبلىستىق ىشكى ساياسات باس­قارماسىنىڭ باستىعى احات مىرزالين سويلەپ, جاستارعا وبلىس اكىمدىگى تاراپىنان جاسالىپ وتىرعان قولداۋ-كومەككە توقتالدى. بيىل ستۋدەنتتىك قۇرىلىس, “جاسىل ەل” جاساقتارىنا جانە اتالعان  مارافون-ەستافەتادا ۇزدىك ەڭبەك ەتكەن ۇجىمدار مەن جاستاردى ما­راپاتتاۋعا وبلىس اكىمدىگى 50 اۆ­تو­موبيل مەن 1000 نوۋتبۋك ءبولىپ وتىرعانىن جاستاردى قولداۋدىڭ ناقتى مىسالى رەتىندە كەلتىردى. ەلدى مەكەندەردى تازارتۋعا, كوشەت­تەر ەگىپ, اباتتاندىرۋ جۇمىستارىن تياناقتى دا تىندىرىمدى اتقارۋ­عا قولايلى جاعداي جاسالعان. بيۋد­جەتتەن وسى شارالارعا 500 ملن. قارجى قارالعان. جاستارعا  كيىم­دەر بەرىلىپ, ولار تەگىن تاماق­تان­دىرىلاتىن بولادى. بۇل باعالى باس­تامانىڭ قايتارىمدى بولاتى­نى­نا دا كۇمان جوق, دەدى ا.مىر­زالين. اقتوبە پوليتەحنيكالىق كول­لەدجى­نىڭ وقۋشىسى پاراسات اققا­ليەۆ ستۋدەنتتىك قۇرىلىس وتريا­دىندا بىرنەشە جىل جۇمىس ىستەپ, ەڭبەكتىڭ ءدامىن تاتىپ قالعان جاس ەكەن. ول وتكەن جىلى ەسەلى ەڭبەگى ءۇشىن وبلىس اكىمى ەلەۋسىن ساعىن­دىقوۆتىڭ قولىنان جەڭىل اۆتو­كولىكتىڭ كىلتىن الىپتى. ماڭداي تەرلەتىپ ەڭبەك ەتۋدىڭ ەلەنبەي قال­مايتىنىن تىلگە تيەك ەتكەن ول جاستىق جالىنمەن جۇمىس ىستەۋدىڭ تيىمدىلىگىنە توقتالدى. مۇعال­جار­لىق مارات زيادينوۆ اۋىل جاس­تا­رى 42 ەلدى مەكەندى اباتتاندىرۋعا اتسالىساتىنىنان حاباردار ەتتى. ال قوبدا اۋدانى جيرەنقوپا ورتا مەكتەبى ديرەكتورىنىڭ ورىنبا­سارى سۇلۋشاش قۇتتىباەۆا ءوزىنىڭ تۋعان اۋىلىن, وسكەن اۋلاسىن ءوز قولىمەن كورىكتەندىرىپ, كوگالدان­دىرعان بالانىڭ اسەمدىكتى باعالاي بىلەتىنىن جەتكىزدى. سلەتكە قاتىسۋشىلار مارافون-ەستا­فەتانى تابىستى وتكىزۋگە, ەل دامۋىنا وزىندىك ۇلەس قوسۋعا جۇ­مى­لا اتسالىسۋ ءۇشىن وبلىس جاس­تا­رىنا ارناپ ۇندەۋ قابىلدادى. سالتاناتتى شارادان كەيىن  جاستار قالانىڭ كورىكتى جەرلەرىن تاما­شالادى. ساتىبالدى ءساۋىرباي,  اقتوبە وبلىسى.