قازاقستاندا 30 جىل بۇرىنعى ىستىق كۇندەر رەكوردى جاڭاردى. 29 ماۋسىمدا ەلدىڭ باتىسىندا ەڭ جوعارى اۋا تەمپەراتۋراسى تىركەلدى, دەپ حابارلايدى Egemen.kz.
مەتەورولوگتاردىڭ ايتۋىنشا, جازدىڭ ءبىرىنشى ايى قاراما-قايشىلىقتارىمەن تاڭعالدىردى. ايدىڭ كوپ بولىگىندە ەلدىڭ باتىسى مەن وڭتۇستىك وڭىرلەرىندە سۋبتروپيكالىق اۋا ماسسالارىنىڭ اسەرىنەن اپتاپ بولدى.
«كەي كۇندەرى تەرمومەتر باعانالارى اپاتتى گيدرومەتەورولوگيالىق قۇبىلىس (اگق) +40...+46 گرادۋس ولشەمدەرىنە جەتتى, وسىلايشا ەلدىڭ وڭتۇستىك-باتىس جارتىسىنداعى بىرقاتار مەتەوستانتسيادا تاۋلىكتىك رەكوردتار جاڭاردى: ورال مەتەوستانتسياسىندا 29 ماۋسىمدا تەمپەراتۋرا +41,9 گرادۋسقا جەتتى, 2015 جىلدىڭ ەڭ جوعارى ءمانى +39,8 گرادۋس بولعان, اققۇدىق مەتەوستانتسياسىندا 29 ماۋسىمدا +44,4 تىركەلدى, بۇل 2018 جىلدىڭ ابسوليۋت ماكسيمۋمىنان - +43,3-تەن اسىپ ءتۇستى, اتىراۋ مەتەوستانتسياسىندا 28 ماۋسىمدا +42,8 گرادۋس بولدى, 2015 جىلى رەكورد +39,8 بولعان, قاراتوبە مەتەوستانتسياسىندا (باتىس قازاقستان وبلىسى) 29 ماۋسىمدا ەڭ جوعارى اۋا تەمپەراتۋراسى +45,5 تىركەلدى, بۇل 1991 جىلمەن سالىستىرعاندا جوعارى, +41,2 بولعان», دەپ حابارلادى سينوپتيكتەر.