وتكەن تاۋلىكتە قاراعاندى وبلىسىندا بەس مىڭعا جۋىق ادام COVID-19-عا قارسى ۆاكتسينا ەكتى. ءبىرىنشى كومپونەنتپەن ۆاكتسيناتسيالانعانداردىڭ جالپى سانى - 280 255 ادامدى, ال ەكىنشى كومپونەنتپەن ەگىلگەندەر سانى – 161 050 ادامدى قۇرادى, دەپ حابارلايدى Egemen.kz.
دەنساۋلىق ساقتاۋ باسقارماسىنىڭ مالىمەتىنشە, وتكەن تاۋلىكتە 4 060 ادام Covid-19 ۆاكتسيناسىنىڭ ءبىرىنشى كومپونەنتىن الدى. ال ەكىنشى كومپونەنتىن - 823 ادام ەككىزدىرىپ ۇلگەردى.
«وبلىستا كوروناۆيرۋسقا قارسى ۆاكتسيناتسيا ناۋقانى جالعاسۋدا. مامانداندىرىلعان جابدىقتارمەن جابدىقتالعان 115 ەگۋ كابينەتى اشىلدى. ۆاكتسينانى وڭىرلەرگە جەتكىزۋ لوگيستيكاسى دا پىسىقتالدى. حالىققا ەgov.kz جانە Damumed جەكە كابينەتتەرى ارقىلى ۆاكتسيناتسياعا جازىلۋ قولجەتىمدى بولدى», دەپ اتاپ ءوتتى قاراعاندى وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى.
ەمحانالارداعى ۆاكتسيناتسيالاۋ ورتالىقتارىنان باسقا «تاير», «ابزال», «Global City», «ۋماي», «مبو», «الەم», «گراندستور» سياقتى ءىرى ساۋدا ورتالىقتارىندا ەگۋ كابينەتتەرى اشىلدى. اۋىلدىق ەلدى مەكەندەردە حالىقتى ۆاكتسيناتسيالاۋ ءۇشىن جىلجىمالى مەديتسينالىق كەشەندەر پايدالانىلادى. ونەركاسىپتىك كاسىپورىنداردا ۆاكتسيناتسيالاۋدى كوشپەلى ەگۋ بريگادالارى جۇرگىزەدى, ولاردىڭ وبلىستاعى سانى 45-تەن اسادى.