قر مەملەكەتتىك قىزمەت ىستەرى اگەنتتىگى توراعاسىنىڭ بۇيرىعىمەن ەرلان ەرماحانبەتوۆ اتىراۋ وبلىسى بويىنشا دەپارتامەنتىنىڭ باسشىسى-ادەپ جونىندەگى كەڭەس توراعاسى بولىپ تاعايىندالدى, دەپ حابارلايدى Egemen.kz.
ەرلان مەيرامحان ۇلى شىمكەنت قالاسىنىڭ تۋماسى. شىمكەنت الەۋمەتتىك-پەداگوگيكالىق ۋنيۆەرسيتەتىڭ «مەملەكەتتىك جانە جەرگىلىكتى باسقارۋ» ماماندىعىمەن بىتىرگەن. سونداي-اق ەكونوميكالىق عىلىمدارىنىڭ ماگيسترى اكادەميالىق دارەجەسى بار.
ەڭبەك جولىن 2006 جىلى وقمما-نىڭ مامانى قىزمەتىنەن باستاعان. ا.ياسساۋي اتىنداعى حقتۋ-ءدىڭ وقۋ-كلينيكالىق بازاسىندا جاستار ءىسى سەكتورىنىڭ مەڭگەرۋشىسى بولعان. 2013-2015 جىلدارى شىمكەنت قالاسى, ءال-فارابي اۋدانى اكىمى اپپاراتىنىڭ حالىقتى الەۋمەتتىك قورعاۋعا قولداۋ كورسەتۋ ءبولىمىنىڭ باس مامانى, كەيىننەن ءبولىم باسشىسى لاۋازىمىن اتقارعان.
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل جۇيەسىندە 2015 جىلدان بەرى جۇمىس ىستەيدى. 2015-2016 جىلدارى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى وڭتۇستىك قازاقستان وبلىسى بويىنشا دەپارتامەنتىنىڭ ءباسپاسوز حاتشىسى, 2016-2019 جىلدارى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىندە مەملەكەتتىك قىزمەتتەر كورسەتۋ دەپارتامەنتىنىڭ باس ساراپشىسى, باس كونسۋلتانتى بولعان.
2019 جىلدان بەرى وسى لاۋازىمعا دەيىن قر مەملەكەتتىك قىزمەت ىستەرى اگەنتتىگىنىڭ تۇركىستان وبلىسى بويىنشا دەپارتامەنتى باسشىسىنىڭ ورىنباسارى-ادەپ جونىندەگى كەڭەس حاتشىلىعىنىڭ مەڭگەرۋشىسى لاۋازىمىن اتقارىپ كەلدى.